Ongoing News
ഐ പി എല്ലില്‍ 7,000 റണ്‍സടിക്കുന്ന ആദ്യ താരമായി കോലി
കഴിഞ്ഞ 16 സീസണിലും ഒരേ ഫ്രാഞ്ചെയ്സിക്ക് വേണ്ടി കളിച്ച ഏക താരമെന്ന റെക്കോർഡും കോലിയുടെ പേരിൽ
ന്യൂഡല്‍ഹി | ഐ പി എല്‍ ചരിത്രത്തിലെ 7,000 റണ്‍സ് നേടുന്ന ആദ്യ താരമെന്ന ചരിത്രം സ്വന്തമാക്കി ബെംഗളുരു റോയല്‍ ചലഞ്ചേഴ്‌സിൻ്റെ മിന്നും താരം വിരാട് കോലി. ഡല്‍ഹി ഫിറോസ് ഷ കോട്‌ല സ്‌റ്റേഡിയത്തില്‍ നടക്കുന്ന മത്സരത്തിലാണ് കോലി നിര്‍ണായക ചവിട്ടുപടി താണ്ടിയത്.
34കാരനായ വിരാട് കോലി തന്റെ 225ാം മത്സരത്തിലാണ് ഈ ചരിത്ര നേട്ടം കൈയിലൊതുക്കിയിരിക്കുന്നത്.
ഐ പി എല്‍ റണ്‍ വേട്ടക്കാരില്‍ രണ്ടാമതുള്ള ശിഖര്‍ ധവാനെക്കാള്‍ ബഹുദൂരം മുന്നിലാണ് കോലി. 6,536 റണ്‍സാണ് രണ്ടാമതുള്ള ധവാന്റെ സമ്പാദ്യം.
2008ലെ പ്രഥമ ഐ പി എല്‍ മുതല്‍ എല്ലാ സീസണിലും റോയല്‍ ചലഞ്ചേഴ്‌സ് ബെംഗളുരുവിന്റെ കുപ്പായത്തില്‍ തന്നെയാണ് കോലി ഗ്രീസിലിറങ്ങിയത്. കഴിഞ്ഞ 16 സീസണിലും ഒരേ ഫ്രാഞ്ചെയ്സിക്ക് വേണ്ടി കളിച്ച ഏക താരമെന്ന റെക്കോർഡും കോലിയുടെ പേരിലാണ്.
ചരിത്രം സൃഷ്ടിച്ച ഇതേമത്സരത്തില്‍ തന്റെ അമ്പതാം ഐ പി എല്‍ അര്‍ധ ശതകം കണ്ടെത്താനും കോലിക്ക് കഴിഞ്ഞു. കൂടാതെ അഞ്ച് സെഞ്ച്വറികൾ കൂടി കോലിയുടെ പേരിലുണ്ട്.
ഒരു വര്‍ഷത്തെ ഐ പി എല്ലില്‍ ഏറ്റവുമധികം റണ്‍സെടുത്ത താരമെന്ന റെക്കോര്‍ഡും കോലിയുടെ പേരിലാണ്. 2016ലെ സീസണില്‍ 973 റണ്‍സാണ് കോലി അടിച്ചുകൂട്ടിയത്.
കോലിയോട് ആദരസൂചകമായി സ്‌റ്റേഡിയത്തില്‍ വിരാട് കോലി പവലിയന്‍ ഒരുക്കിയിരുന്നു. മത്സരത്തിൽ 46 പന്തിൽ 55 റൺസാണ് കോലി നേടിയത്.
Latest
വീട്ടുകാര്‍ പള്ളി പെരുന്നാളിന് പോയി; വീടിന് തീയിട്ട് അജ്ഞാത സംഘം
മുനമ്പത്ത് റീസര്‍വെയെന്നത് ചിലരുടെ ഭാവനസൃഷ്ടി; സര്‍ക്കാര്‍ ശ്രമം ശാശ്വത പരിഹാരത്തിന്: മന്ത്രി പി രാജീവ്
ഇരട്ട വോട്ടെന്ന് ആക്ഷേപമുള്ളവ പ്രത്യേക ലിസ്റ്റാക്കും; ഉദ്യോഗസ്ഥരുടെ ഭാഗത്തുനിന്നും വീഴ്ചയുണ്ടായെങ്കില്‍ നടപടിയുണ്ടാകും: പാലക്കാട് ജില്ലാ കലക്ടര്‍
സന്ദീപ് വാര്യരെ ഷാള്‍ അണിയിച്ച് സ്വീകരിച്ച് കെ മുരളീധരന്‍; ഇരുവരും ഒരേ വേദിയില്‍
കോഴിക്കോട് കഞ്ചാവുമായി ഇതരസംസ്ഥാന തൊഴിലാളി അറസ്റ്റില്‍
ഹെഡ് സെറ്റ് വെച്ച് മൊബൈല്‍ ഫോണില്‍ ഗെയിംസ് കളിച്ചു പാളത്തിലൂടെ നടന്നു; രണ്ട് വിദ്യാര്‍ഥികള്‍ ട്രെയിന്‍ ഇടിച്ച് മരിച്ചു
