Kerala
കൊല്ലം കളക്ടറേറ്റ് സ്‌ഫോടന കേസ്: മൂന്ന് പ്രതികള്‍ക്കും ജീവപര്യന്തം തടവ് വിധിച്ച് കോടതി
തമിഴ്നാട് മധുര സ്വദേശികളായ അബ്ബാസലി, ഷംസൂണ്‍ കരീംരാജ, ദാവൂദ് സുലൈമാന്‍ എന്നിവരാണ് ഒന്നു മുതല്‍ മൂന്ന് വരെ പ്രതികള്‍.
കൊല്ലം|കൊല്ലം കളക്ടറേറ്റ് സ്‌ഫോടന കേസില്‍ മൂന്ന് പ്രതികള്‍ക്കും ജീവപര്യന്തം തടവുശിക്ഷ വിധിച്ച് കൊല്ലം പ്രിന്‍സിപ്പല്‍ സെഷന്‍സ് കോടതി. മുപ്പതിനായിരം രൂപ പിഴയും അടക്കണം. തമിഴ്നാട് മധുര സ്വദേശികളായ അബ്ബാസലി, ഷംസൂണ്‍ കരീംരാജ, ദാവൂദ് സുലൈമാന്‍ എന്നിവരാണ് ഒന്നു മുതല്‍ മൂന്ന് വരെ പ്രതികള്‍. നാലാം പ്രതി ഷംസുദ്ദിനെ തെളിവുകള്‍ ഇല്ലാത്തതിനാല്‍ കോടതി വെറുതെ വിട്ടിരുന്നു. അഞ്ചാംപ്രതി മുഹമ്മദ് അയൂബിനെ മാപ്പു സാക്ഷിയാക്കി.
എട്ട് വര്‍ഷം ജയിലില്‍ കഴിഞ്ഞെന്നും കുറഞ്ഞ ശിക്ഷ നല്‍കണമെന്നുമാണ് പ്രതികള്‍ കോടതിയോട് ആവശ്യപ്പെട്ടിരുന്നത്. ശിക്ഷാവിധി സംബന്ധിച്ച വാദം കഴിഞ്ഞ ദിവസം കൊല്ലം ജില്ലാ പ്രിന്‍സിപ്പല്‍ സെഷന്‍സ് കോടതിയില്‍ പൂര്‍ത്തിയായിരുന്നു. പ്രതികള്‍ക്ക് മേല്‍ യു എ പി എ ചുമത്തിയതിനാല്‍ പരമാവധി ശിക്ഷയായ ജീവപര്യന്തം നല്‍കണമെന്നായിരുന്നു പ്രോസിക്യൂഷന്‍ ആവശ്യം.
2016 ജൂണ്‍ 15നായിരുന്നു മുന്‍സിഫ് കോടതിക്കും സബ് ട്രഷറിക്കുമിടയില്‍ നിര്‍ത്തിയിട്ടിരുന്ന ജീപ്പിന് സമീപത്ത് സ്ഫോടനം നടന്നത്. രണ്ട് ചോറ്റുപാത്രങ്ങള്‍ക്കുള്ളില്‍ ഡിറ്റണേറ്ററുകളും ബാറ്ററിയും വെടിമരുന്നും നിറച്ചാണ് സ്ഫോടനം നടത്തിയത്. സ്ഫോടനത്തില്‍ ഒരാള്‍ക്ക് പരിക്കേറ്റിരുന്നു.
Latest
എം ആര്‍ അജിത്കുമാറിനെതിരെ നടപടി ആവശ്യപ്പെട്ട് പി വിജയന്‍ രംഗത്ത്; ഐ പി എസ് തലത്തില്‍ പുതിയ പോര്
സാബു ജീവനൊടുക്കിയ സംഭവം; ബേങ്ക് ജീവനക്കാരുടെ മൊഴി പ്രത്യേക അന്വേഷണ സംഘം ഇന്ന് രേഖപ്പെടുത്തും
പൂരം കലക്കല്‍; തിരുവമ്പാടി ദേവസ്വത്തിലെ ചിലര്‍ ഗൂഢാലോചന നടത്തിയെന്ന് എം ആര്‍ അജിത് കുമാര്‍
ക്രിസ്മസ് ആഘോഷത്തിനെതിരെ വര്‍ഗീയ ഭീഷണി; പാലക്കാട് നല്ലേപ്പുള്ളി സര്‍ക്കാര്‍ സ്‌കൂളിനു മുമ്പില്‍ ഇന്ന് യുവജനങ്ങളുടെ സ്‌നഹ കരോള്‍
എസ് വൈ എസ് കേരള യുവജന സമ്മേളനത്തിന് പതാക ഉയർന്നു
കടല്‍ കടക്കാന്‍ മില്‍മയുടെ പാല്‍പ്പൊടിയും
