Kerala
കെ എസ് ആര്‍ ടി സി ഡ്രൈവറെ മര്‍ദിച്ച് കൊലപ്പെടുത്തിയ കേസ്; പ്രതിക്ക് 12 വര്‍ഷം കഠിന തടവ്
രണ്ടാം പ്രതി അഷറഫ് വിചാരണക്കിടെ മരിച്ചു
കൊച്ചി | ആലുവയില്‍ കെഎസ്ആര്‍ടിസി ബസ് ഡ്രൈവറെ മര്‍ദിച്ച് കൊലപ്പെടുത്തിയ കേസില്‍ പ്രതിക്ക് പന്ത്രണ്ട് വര്‍ഷം കഠിന തടവ്. ആലുവ കെഎസ്ആര്‍ടിസി ഡിപ്പോയിലെ ബസ് ഡ്രൈവറായിരുന്ന സദാശിവന്‍ കൊല്ലപ്പെട്ട കേസിലാണ് ആലുവ മുപ്പത്തടം സ്വദേശി അനസ് എന്ന സുകേശനെ ശിക്ഷിച്ചത്. എറണാകുളം വടക്കന്‍ പറവൂര്‍ അഡിഷണല്‍ ജില്ലാ കോടതിയുടേതാണ് വിധി.
2013 ജൂണ്‍ ഒന്നിനാണ് കേസിനാസ്പദമായ സംഭവം നടന്നത്. കളമശ്ശേരിയില്‍ നിന്നെത്തിയ കെഎസ്ആര്‍ടിസി ബസ് വൈകിട്ട് 7 ന് ആലുവ കെഎസ്ആര്‍ടിസി സ്റ്റാന്റിലേക്ക് കയറ്റുന്നതിനിടെ ദേഹത്ത് ഉരഞ്ഞു എന്നാരോപിച്ച് സമീപത്തുണ്ടായിരുന്ന സുകേശനും സുഹൃത്ത് അഷറഫും ബസില്‍ കയറി സദാശിവനെ മര്‍ദ്ദിക്കുകയായിരുന്നു. പരുക്കേറ്റ് അവശനായ സദാശിവനെ കെഎസ്ആര്‍ടിസി ജീവനക്കാര്‍ ആലുവ ഗവണ്‍മന്റ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ജാമ്യത്തിലിറങ്ങി മുങ്ങിയ സുകേശനെ വീണ്ടും അറസ്റ്റ് ചെയ്താണ് കോടതി വിചാരണ പൂര്‍ത്തിയാക്കിയത്. രണ്ടാം പ്രതി അഷറഫ് വിചാരണക്കിടെ മരിച്ചു
Latest
ഹെഡ് സെറ്റ് വെച്ച് മൊബൈല്‍ ഫോണില്‍ ഗെയിംസ് കളിച്ചു പാളത്തിലൂടെ നടന്നു; രണ്ട് വിദ്യാര്‍ഥികള്‍ ട്രെയിന്‍ ഇടിച്ച് മരിച്ചു
രാഷ്ട്രീയ ആക്രമണമല്ല, ഉള്ളിലെ സംഘി പുറത്തുവരുന്നതാണ്; മുഖ്യമന്ത്രിക്കെതിരെ രാഹുല്‍ മാങ്കൂട്ടത്തില്‍
നഴ്‌സിംഗ് വിദ്യാര്‍ഥിനിയുടെ മരണം; പോലീസ് ഇന്ന് മൊഴിയെടുക്കും
ഫോറന്‍സിക് പരിശോധനക്ക് ദുബൈയില്‍ പുതിയ സൗകര്യം വരുന്നു
കാര്‍ഷിക സമൂഹത്തിനായി യു എ ഇ ചാറ്റ് ജി പി ടി ടൂള്‍ വികസിപ്പിച്ചു; ലോകത്തിലെ ആദ്യത്തേത്
തെറ്റായ സന്ദേശങ്ങള്‍ സമൂഹത്തിലേക്കെത്തുന്നു; സീരിയല്‍ മേഖലയില്‍ സെന്‍സറിംഗ് വേണം: വനിത കമ്മിഷന്‍
