എഫ് സോണ്‍ കലോത്സവത്തിലും കെ എസ് യു- എസ് എഫ് ഐ സംഘര്‍ഷം

കല്‍പറ്റ | പുല്‍പ്പള്ളി പഴശ്ശിരാജ കോളജില്‍ എഫ് സോണ്‍ കലോത്സവത്തിനിടെ കെ എസ് യു- എസ് എഫ് ഐ സംഘര്‍ഷം. കാലിക്കറ്റ് സര്‍വകലാശാല യൂനിയന്‍ ജോയിന്റ് സെക്രട്ടറി അശ്വിന്‍ നാഥിന് സംഘര്‍ഷത്തില്‍ പരുക്കേറ്റു. എസ് എഫ് ഐ പ്രവര്‍ത്തകരാണ് മര്‍ദിച്ചതെന്നാണ് ആരോപണം.

മാളയില്‍ നടന്ന കാലിക്കറ്റ് സര്‍വകലാശാലാ ഡി സോണ്‍ കലോത്സവത്തിലും കെ എസ് യു- എസ് എഫ് ഐ പ്രവര്‍ത്തകര്‍ തമ്മില്‍ ഏറ്റുമുട്ടിയിരുന്നു. കെ എസ് യു ജില്ലാ അധ്യക്ഷന്‍ ഗോകുല്‍ ഗുരുവായൂരിന്റെ നേതൃത്വത്തിലുള്ള സംഘം അതിക്രമം അഴിച്ച് വിട്ടെന്നാണ് എസ് എഫ് ഐ ആരോപിക്കുന്നത്. എസ് എഫ് ഐ പ്രവര്‍ത്തകരാണ് അക്രമത്തിന് പിന്നിലെന്ന് കെ എസ് യുവും ആരോപിച്ചിരുന്നു.