കെ എസ് യു- എസ് എഫ് ഐ സംഘര്‍ഷം; കാലിക്കറ്റ് സര്‍വകലാശാല കലോത്സവം നിര്‍ത്തിവെച്ചു

തൃശൂര്‍ | കാലിക്കറ്റ് സര്‍വകലാശാല ഡി സോണ്‍ കലോത്സവത്തിനിടെ കെ എസ് യു എസ്എഫ്‌ഐ സംഘര്‍ഷം. 20ഓളം വിദ്യാര്‍ഥികള്‍ക്ക് പരുക്ക്. മാള ഹോളി ഗ്രേസിലാണ് കലോത്സവം നടക്കുന്നത്. സംഘര്‍ഷത്തെ തുടര്‍ന്ന് മത്സരങ്ങള്‍ നിര്‍ത്തിവെച്ചു.

മത്സരങ്ങള്‍ വളരെ വൈകിയാണ് തുടങ്ങിയിരുന്നത്. ഇത് എസ് എഫ് ഐ ചോദ്യംചെയ്തിരുന്നു. ഇതിന് പിന്നാലെയാണ് ആക്രമണമുണ്ടായത്. ഇന്നലെ രാത്രി 11.30 ഓടെയാണ് സംഭവം.

പത്തിലധികം കെ എസ് യു പ്രവര്‍ത്തകര്‍ക്കും ആറ് എസ് എഫ് ഐ പ്രവര്‍ത്തകര്‍ക്കുമാണ് പരുക്കേറ്റത്. പരുക്കേറ്റവരെ കൊണ്ടുപോയ ആംബുലന്‍സ് ഒരുവിഭാഗം പിന്തുടര്‍ന്ന് തകര്‍ത്തു.
പോലീസെത്തി ലാത്തി വീശിയതോടെയാണ് സംഘര്‍ഷം അയഞ്ഞത്.