പോലീസിനെ ആക്രമിച്ച് രക്ഷപ്പെട്ടയാള്‍ പിടിയില്‍; കുറുവ മോഷണ സംഘത്തിലെ അംഗമെന്ന് സംശയം

കൊച്ചി  | പോലീസ് കസ്റ്റഡിയില്‍ നിന്നും രക്ഷപ്പെട്ട കുറുവ മോഷണ സംഘത്തില്‍പ്പെട്ടയാളെന്ന് സംശയിക്കുന്ന പ്രതിയെ നാല് മണിക്കൂറോളം നീണ്ട തിരച്ചിലിനൊടുവില്‍ നിന്നും പോലീസ് പിടികൂടി. തമിഴ്‌നാട് സ്വദേശി സന്തോഷാണ് പിടിയിലായത്. കൈവിലങ്ങോടെയാണ് ഇയാള്‍ രക്ഷപ്പെട്ടിരുന്നത്.

സന്തോഷിനെ കസ്റ്റഡിയിലെടുത്ത് കൊണ്ടുവരുമ്പോള്‍ കുറുവ സംഘം പോലീസിനെ ആക്രമിച്ചു. സ്ത്രീകളും കുട്ടികളും ഉള്‍പ്പെട്ട സംഘം പൊലീസിനെ ആക്രമിക്കുന്നതിനിടെയാണ് സന്തോഷ് രക്ഷപ്പെട്ടത്. എറണാകുളം കുണ്ടന്നൂരില്‍വച്ച് പൂര്‍ണ നഗ്‌നനായാണ് സന്തോഷ് രക്ഷപ്പെട്ടത്. ആലപ്പുഴ മണ്ണഞ്ചേരി പോലീസ് പിടികൂടി കൊണ്ടുവരുമ്പോഴാണ് ചാടിപ്പോയത്.