Kerala
സമയം വൈകി: കൊച്ചിയില്‍ മാരകായുധങ്ങളുമായി ബസ് ജീവനക്കാരുടെ പരാക്രമം
ബസുകളുടെ ഗ്ലാസ്സുകള്‍ അടിച്ചുതകര്‍ത്തു
കൊച്ചി | ഇടപ്പള്ളിയില്‍ മാരകായുധങ്ങളുമായി ബസ് ജീവനക്കാര്‍ തമ്മില്‍ തല്ലി ബസുകൾ ആക്രമിച്ചു. സമയക്രമത്തെ ചൊല്ലിയുള്ള തര്‍ക്കമാണ് ആക്രമണത്തില്‍ കലാശിച്ചത്. കമ്പിയും കത്തിയുമായി ഇരു ബസുകളിലെയും ജീവനക്കാര്‍ റോഡിലിറങ്ങി ഏറ്റുമുട്ടുകയായിരുന്നു. സംഭവത്തിൽ ആർക്കും പരുക്കില്ല.
ഇടപ്പള്ളി മെട്രോ സ്റ്റേഷന് സമീപമാണ് സംഭവം. പറവൂരില്‍ നിന്ന് സര്‍വീസ് നടത്തുന്ന ബസുകളിലെ ജീവനക്കാരാണ് ഏറ്റുമുട്ടിയത്. ബസുകള്‍ അടിച്ചുതകര്‍ത്ത സംഘം നഗരത്തില്‍ ഭീകരാന്തരീക്ഷം സൃഷ്ടിച്ചു. ഇതിന്റെ ദൃശ്യങ്ങള്‍ പുറത്തുവന്നു. ആദ്യം പുളിക്കല്‍ എന്ന ബസിലെ ജീവനക്കാരെ കിസ്മത്ത് ബസിലെ ജീവനക്കാര്‍ ആക്രമിക്കുകകയായിരുന്നു. ബസിന്റെ പിറകിലെ ഗ്ലാസും മറ്റും ഇവര്‍ തല്ലിത്തകര്‍ത്തു. തുടര്‍ന്ന് വാക്കുതര്‍ക്കമുണ്ടായി. പിന്നാലെ കിസ്മത്ത് ബസിലെ ജീവനക്കാര്‍ ഇറങ്ങിവന്ന് പുളിക്കല്‍ ബസിന്റെ മറ്റു ചില്ലുകള്‍ കൂടി അടിച്ചുതകര്‍ത്തു.
സംഭവത്തില്‍ പുളിക്കല്‍ ബസിലെ ജീവനക്കാര്‍ പോലീസില്‍ പരാതി നല്‍കി. ബസ് കസ്റ്റഡിയിലെടുക്കുമെന്നും അന്വേഷണം ആരംഭിച്ചതായും പോലീസ് പറഞ്ഞു.
Latest
ആശമാരുമായി ഇന്ന് ചര്‍ച്ചയില്ല; ഇനി ചര്‍ച്ച നടത്തേണ്ട കാര്യമില്ലെന്ന് ആരോഗ്യ വകുപ്പ്
"മൈ ദുബൈ കമ്മ്യൂണിറ്റീസ്' പ്ലാറ്റ്ഫോം ആരംഭിച്ചു
ഈദ് അവധി; ദുബൈ പോലീസിന് ലഭിച്ചത് 45,000ത്തിലധികം കോളുകൾ
കാട്ടുക്കൊമ്പന്‍ പടയപ്പ മൂന്നാര്‍ ടൗണിലിറങ്ങി; വഴിയോര കച്ചവടശാലകള്‍ തകര്‍ത്ത് നാശം വിതച്ചു
സഊദിയില്‍ ഭൂചലനം; 4.4 തീവ്രത രേഖപ്പെടുത്തി
വീണാ വിജയനെതിരായ എസ്എഫ്‌ഐഒ നടപടി; മുഖ്യമന്ത്രിയെ തകര്‍ക്കാനുള്ള ശ്രമം: ടി പി രാമകൃഷ്ണന്‍
