ലോജിസ്റ്റിക്‌സ് മേഖല; 5,000 കോടിയുടെ നിക്ഷേപവുമായി ദുബൈ ഷറഫ് ഗ്രൂപ്പ്

കൊച്ചി| ലോജിസ്റ്റിക് മേഖലയിൽ 5,000 കോടിയുടെ നിക്ഷേപം വാഗ്ദാനം ചെയ്ത് ദുബൈ ആസ്ഥാനമായി പ്രവർത്തിക്കുന്ന ഷറഫ് ഗ്രൂപ്പ്. ഷറഫ് ഗ്രൂപ്പിന്റെ വൈസ് ചെയർമാൻ ഷറഫുദ്ദീൻ ഷറഫാണ് കേരളത്തിലെ നിക്ഷേപക സാധ്യതകൾ മനസ്സിലാക്കി താത്പര്യം അറിയിച്ചത്. ലോജിസ്റ്റിക്‌സ്, ഷിപ്പ് മാനേജ്‌മെന്റ്, ഷിപ്പ് ഏജൻസി തുടങ്ങിയ മേഖലകളിലായി ഷറഫ് ഗ്രൂപ്പിന് ഇന്ത്യയുമായി 28 വർഷത്തെ ബിസിനസ്സ് ബന്ധമുണ്ട്.

ഇന്ത്യയിലെ ഏഴ് പ്രധാന നഗരങ്ങളിൽ ബിസിനസ്സ് ഉണ്ട്. കേരളത്തിൽ രണ്ട് പ്രധാന സ്ഥലങ്ങൾ കണ്ടെത്തി സർക്കാർ പിന്തുണയോടെ 5,000 കോടിയുടെ ബിസിനസ്സ് ആരംഭിക്കാനാണ് ലക്ഷ്യമിടുന്നതെന്നും ചെയർമാൻ പറഞ്ഞു.
വിദ്യാസമ്പന്നരുടെ നാടാണ് കേരളം. മനുഷ്യ വിഭവശേഷി മികച്ചതാണ്. വളരെ വേഗത്തിൽ പദ്ധതി ആരംഭിക്കും. വളരെ ആകർഷണീയമായ രീതിയിലാണ് ഇൻവെസ്റ്റ് കേരള ഗ്ലോബൽ സമ്മിറ്റ് സർക്കാർ സംഘടിപ്പിച്ചിരിക്കുന്നതെന്നും അദ്ദേഹം പറഞ്ഞു.