പി ടിയുടെ വേര്‍പാടില്‍ നഷ്ടമായത് അടുത്ത സുഹൃത്തിനെ: രാഹുല്‍ ഗാന്ധി

കല്‍പ്പറ്റ | തൃക്കാക്കര എം എല്‍ എ പി ടി തോമസിന്റെ നിര്യാണത്തില്‍ കോണ്‍ഗ്രസ് ദേശീയനേതാവ് രാഹുല്‍ ഗാന്ധി അനുശോചിച്ചു. പി ടി തോമസിന്റെ വേര്‍പാട് വ്യക്തിപരമായും സംഘടനാപരമായും അത്യന്തം ദുഖമുണ്ടാക്കുന്നതാണെന്ന് രാഹുല്‍ ഗാന്ധി പറഞ്ഞു. ഏറെ വേദനിപ്പിക്കുന്ന വിയോഗമാണിത്. അടുത്ത സുഹൃത്തിനെയാണ് തനിക്ക് നഷ്ടമായത്. വിവിധ വിഭാഗം ജനങ്ങളെ ഒന്നിപ്പിക്കാന്‍ പിടി തോമസിന് കഴിഞ്ഞിരുന്നു. കോണ്‍ഗ്രസ് നിലപാടുകളുമായി ഏറ്റവും അടുത്ത നേതാവാണ് പി ടി തോമസെന്നും രാഹുല്‍ ഗാന്ധി ഓര്‍മ്മിച്ചു. വയനാട് മണ്ഡലത്തിലെ പരിപാടികള്‍ റദ്ദുചെയ്തു പി ടി തോമസിനെ അവസാനമായി ഒന്ന് കാണാന്‍ രാഹുല്‍ ഗാന്ധി കൊച്ചിയിലേക്ക് തിരിച്ചു.