Bahrain
ലുലു ഗ്രൂപ്പ് ബഹ്‌റൈനില്‍ പുതിയ ഹൈപ്പര്‍ മാര്‍ക്കറ്റ് തുറന്നു
ആഗോള തലത്തില്‍ ലുലു ഗ്രൂപ്പിന്റെ 261-മത്തെ ഹൈപ്പര്‍ മാര്‍ക്കറ്റാണിത്.
മനാമ | ബഹ്‌റൈനിലെ പുതിയ ലുലു ഹൈപ്പര്‍ മാര്‍ക്കറ്റ് മനാമ സെന്ററില്‍ പ്രവര്‍ത്തനമാരംഭിച്ചു. ബഹ്‌റൈന്‍ സുന്നി വഖഫ് കൗണ്‍സില്‍ ചെയര്‍മാന്‍ ശൈഖ് റാഷിദ് മുഹമ്മദ് സാലിം അല്‍ ഹാജിരിയാണ് ലുലു ഗ്രൂപ്പിന്റെ ബഹ്‌റൈനിലെ പതിനൊന്നാമത്തെ ഹൈപ്പര്‍ മാര്‍ക്കറ്റ് ഉദ്ഘാടനം നിര്‍വഹിച്ചത്.
ബഹ്‌റൈനിലെ ഇന്ത്യന്‍ അംബാസഡര്‍ വിനോദ് ജേക്കബ്, ലുലു ഗ്രൂപ്പ് ചെയര്‍മാന്‍ എം എ യൂസഫലി, ലുലു ബഹ്‌റൈന്‍ ഡയറക്ടര്‍ ജൂസര്‍ രൂപാവാല ഉള്‍പ്പെടെയുള്ള പ്രമുഖര്‍ ഉദ്ഘാടന ചടങ്ങില്‍ സംബന്ധിച്ചു. 55,000 ചതുരശ്രയടി വിസ്തീര്‍ണത്തിലുള്ള ഹൈപ്പര്‍ മാര്‍ക്കറ്റില്‍ ഉപഭോക്താക്കള്‍ക്കായി മികച്ച ഷോപ്പിംഗ് അനുഭവമാണ് ലുലു ഒരുക്കിയിട്ടുള്ളത്.
അടുത്ത വര്‍ഷം ബഹ്‌റൈനില്‍ രണ്ട് പുതിയ ഹൈപ്പര്‍ മാര്‍ക്കറ്റുകള്‍ കൂടി തുറക്കുമെന്ന് എം എ യൂസഫലി പറഞ്ഞു. മനാമ സെന്ററില്‍ ഹൈപ്പര്‍ മാര്‍ക്കറ്റ് ആരംഭിക്കുവാന്‍ എല്ലാ സൗകര്യങ്ങളും പിന്തുണയും നല്‍കിയ ബഹ്‌റൈന്‍ വഖഫ് കൗണ്‍സിലിനെ യൂസഫലി നന്ദി അറിയിച്ചു. ആഗോള തലത്തില്‍ ലുലു ഗ്രൂപ്പിന്റെ 261-മത്തെ ഹൈപ്പര്‍ മാര്‍ക്കറ്റാണിത്.
Latest
വിസ്മയ കേസ്: പ്രതിക്ക് പരോള്‍ അനുവദിച്ചതിനെതിരെ വിമര്‍ശനവുമായി പിതാവ്
കണ്ണൂരില്‍ പൂട്ടിയിട്ട വീട് കുത്തിത്തുറന്ന് കവര്‍ച്ച; 14 പവനും 88,000 രൂപയും മോഷണംപോയി
ലൈംഗികാതിക്രമക്കേസ്: ഡോണാള്‍ഡ് ട്രംപിന് തിരിച്ചടി; വിധി യുഎസ് അപ്പീല്‍ കോടതി ശരിവെച്ചു
കട്ടപ്പനയില്‍ ആത്മഹത്യ ചെയ്ത നിക്ഷേപകന്‍ സാബുവിന് മാനസിക പ്രശ്‌നം ഉണ്ടായിരുന്നോ എന്ന് പരിശോക്കണം; അധിക്ഷേപിച്ച് എം എം മണി
കലൂര്‍ സ്റ്റേഡിയത്തില്‍ വന്‍ സുരക്ഷാ വീഴ്ച; സംയുക്ത പരിശോധന റിപ്പോര്‍ട്ട്
പുതുവത്സരത്തെ വരവേല്‍ക്കാനൊരുങ്ങി ലോകം; കൊച്ചിയിൽ വൻ സുരക്ഷാ സന്നാഹം
