Kerala
മച്ചാട്ട് വാസന്തി അന്തരിച്ചു
പ്രശസ്തമായ പച്ചപ്പനം തത്തേ ഉള്പ്പെടെയുള്ള പഴയകാല ഗാനങ്ങള് മച്ചാട്ട് വാസന്തി ആലപിച്ചതാണ്
കോഴിക്കോട് | പ്രശസ്ത നാടക- സിനിമ ഗായിക മച്ചാട്ട് വാസന്തി അന്തരിച്ചു. വാര്ധക്യ സഹജമായ അസുഖത്തെ തുടര്ന്ന് കോഴിക്കോട് മെഡിക്കല് കോളജില് ചികിത്സയിലിരിക്കയൊണ് അന്ത്യം സംഭവിച്ചത്. 81 വയസായിരുന്നു.
കോഴിക്കോട് ഫറൂക്ക് കോളജിന് സമീപത്താണ് താമസിച്ചിരുന്നത്. പ്രശസ്തമായ പച്ചപ്പനം തത്തേ ഉള്പ്പെടെയുള്ള പഴയകാല ഗാനങ്ങള് മച്ചാട്ട് വാസന്തി ആലപിച്ചതാണ്
എം എസ് ബാബുരാജിന്റെ സംഘത്തിലെ പ്രധാന ഗായികയായിരുന്നു. കല്ലായിയിലെ ബാബുരാജിന്റെ വീട്ടില് കുറേക്കാലം സംഗീതം പഠിച്ചു. ഓളവും തീരവും എന്ന ചിത്രത്തില് പി ഭാസ്കരന്-ബാബുരാജ് കൂട്ടുകെട്ടില് പിറന്ന മണിമാരന് തന്നത് എന്ന പാട്ടിലൂടെയാണ് സിനിമാ രംഗത്ത് വാസന്തി ഏറെ ശ്രദ്ധിക്കപ്പെടുന്നത്.
ചില നാടകങ്ങളിലും സിനിമകളിലും ചെറിയ വേഷങ്ങളില് വാസന്തി അഭിനയിക്കുകയും ചെയ്തിട്ടുണ്ട്. കലാസാഗര് മ്യൂസിക് ക്ലബ് സെക്രട്ടറിയായിരുന്ന പി കെ ബാലകൃഷ്ണനാണ് മച്ചാട്ട് വാസന്തിയുടെ ഭര്ത്താവ്.