വിജയത്തിളക്കവുമായി മഅ്ദിൻ ക്യൂലാന്റ്; മദ്റസാ പത്താം ക്ലാസ്സ് പൊതു പരീക്ഷയിൽ മുഴുവൻ വിദ്യാർഥികൾക്കും ഫുൾ മാർക്ക്

മലപ്പുറം | ഇസ് ലാമിക് എജ്യുക്കേഷൻ ബോർഡ് ഓഫ് ഇന്ത്യ ഇംഗ്ലീഷ് മീഡിയം മദ്റസാ പത്താം ക്ലാസ്സ് പൊതു പരീക്ഷയിൽ മഅ്ദിൻ ക്യൂലാൻ്റ് വിദ്യാർഥികൾക്ക് ചരിത്ര വിജയം. പരീക്ഷ എഴുതിയ 27 വിദ്യാർഥികൾളും ഫുൾ മാർക്ക് നേടിയാണ് മിന്നും വിജയം കരസ്ഥമാക്കിയത്. ഇതിൽ ആറ് പേർ ഹിഫ്ള് പഠനം പൂർത്തിയാക്കിയവരാണ്.

ഇത്തവണ എസ് എസ് എൽ സി പരീക്ഷക്ക് തയ്യാറെടുക്കുന്ന 27 പേരും ഫുൾ എ പ്ലസിനുള്ള തയ്യാറെടുപ്പിലാണെന്ന് മഅ്ദിൻ ക്യൂലാൻറ് ഡയറകടർ സൈനുദ്ദീൻ നിസാമി കുന്ദമംഗലം പറഞ്ഞു. പെൺങ്കുട്ടികളുടെ ഹിഫ്ള് , മത, ,ഭൗതിക പഠനത്തിനായി പ്രത്യേക കരിക്കുലത്തോടെ മഞ്ചേരി പുൽപ്പറ്റയിൽ പ്രവർത്തിക്കുന്ന സ്ഥാപനം നിരവധി പ്രതിഭകളെയാണ് സമൂഹത്തിന് സമ്മാനിച്ചത്.

വിജയികളെ മഅ്ദിൻ ചെയർമാൻ സയ്യിദ് ഇബ്റാഹീമുൽ ഖലീൽ അൽ ബുഖാരി അഭിനന്ദിച്ചു. ക്യൂലാന്റ് ഡയറക്ടർ സൈനുദ്ധീൻ നിസാമി കുന്ദമംഗലം, മൊയ്തീൻ മുസ്ലിയാർ പള്ളിപ്പുറം, ദുൽഫുഖാറലി സഖാഫി, അബ്ദുല്ല മുസ്ലിയാർ എന്നിവർ സംബന്ധിച്ചു.