ട്രാക്കില്‍ അറ്റകുറ്റപ്പണി: ചില ട്രെയിനുകള്‍ റദ്ദാക്കും, ചിലവ വഴി തിരിച്ചുവിടും

തിരുവനന്തപുരം |  ട്രാക്കില്‍ അറ്റകുറ്റപ്പണികള്‍ നടത്തേണ്ടതിനാല്‍ അടുത്തയാഴ്ച ചില ദിവസങ്ങളില്‍ ട്രെയിനുകള്‍ ഭാഗികമായി റദ്ദാക്കുകയും ചില ട്രെയിനുകള്‍ വഴിതിരിച്ചു വിടുകയും ചെയ്യുമെന്ന് റെയില്‍വെ അറിയിച്ചു. ഇത് സംബന്ധിച്ച് അറിയിപ്പ് വെള്ളിയാഴ്ച റെയില്‍വെ പുറത്തിറക്കി.

മാറ്റങ്ങള്‍ ഇങ്ങനെ

ഓഗസ്റ്റ് – 5, 8 തീയ്യതികളില്‍ രാവിലെ 05.05ന് മംഗലാപുരം സെന്‍ട്രലില്‍ നിന്ന് പുറപ്പെടുന്ന പരശുറാം എക്‌സ്പ്രസ് (ട്രെയിന്‍ നമ്പര്‍-16649) തിരുവനന്തപുരം സെന്‍ട്രലില്‍ യാത്ര അവസാനിപ്പിക്കും. ഈ ട്രെയിനിന്റെ തിരുവനന്തപുരം മുതല്‍ കന്യാകുമാരി വരെയുള്ള യാത്ര റദ്ദാക്കും.

ഓഗസ്റ്റ് – 6, 9 തീയ്യതികളില്‍ രാവിലെ 03.45ന് കന്യാകുമാരിയില്‍ നിന്ന് പുറപ്പെടേണ്ട പരശുറാം എക്‌സ്പ്രസ് (ട്രെയിന്‍ നമ്പര്‍-16650) തിരുവനന്തപുരം സെന്‍ട്രലില്‍ നിന്നായിരിക്കും യാത്ര തുടങ്ങുന്നത്. 06.15ന് ട്രെയിന്‍ തിരുവനന്തപുരത്ത് നിന്ന് പുറപ്പെടും. ഈ ട്രെയിനിന്റെ കന്യാകുമാരി മുതല്‍ തിരുവനന്തപുരം വരെയുള്ള യാത്ര റദ്ദാക്കും.

ഓഗസ്റ്റ് 5, 8 തീയ്യതികളില്‍ രാത്രി 11.25ന് മധുരയില്‍ നിന്ന് പുറപ്പെടേണ്ട മധുര – പുനലൂര്‍ എക്‌സ്പ്രസ് (ട്രെയിന്‍ നമ്പര്‍ 16729) തിരുനെല്‍വേലിയില്‍ യാത്ര അവസാനിപ്പിക്കും. ഈ ട്രെയിനിന്റെ തിരുനെല്‍വേലി മുതല്‍ പുനലൂര്‍ വരെയുള്ള യാത്ര റദ്ദാക്കും.

ഓഗസ്റ്റ് 6, 9 തീയ്യതികളില്‍ വൈകുന്നേരം 5.15ന് പുനലൂരില്‍ നിന്ന് പുറപ്പെടേണ്ട പുനലൂര്‍ – മധുര എക്‌സ്പ്രസ് (ട്രെയിന്‍ നമ്പര്‍ 16730) തിരുനെല്‍വേലിയില്‍ നിന്നായിരിക്കും യാത്ര തുടങ്ങുക. ഈ ട്രെയിനിന്റെ പുനലൂര്‍ മുതല്‍ തിരുനെല്‍വേലി വരെയുള്ള യാത്ര റദ്ദാക്കും.

വഴിതിരിച്ചുവിടുന്ന ട്രെയിനുകള്‍

1. ട്രെയിന്‍ നമ്പര്‍ 16128: ഗുരുവായൂര്‍ – ചെന്നൈ എഗ്മോര്‍ എക്‌സ്പ്രസ് ഓഗസ്റ്റ് 16 മുതല്‍26 വരെ കോട്ടയം വഴി തിരിച്ചുവിടും.2. ട്രെയിന്‍ നമ്പര്‍ 12697: എംജിആര്‍ ചെന്നൈ സെന്‍ട്രല്‍ – തിരുവനന്തപുരം സെന്‍ട്രല്‍ സൂപ്പര്‍ഫാസ്റ്റ് എക്‌സ്പ്രസ് ഓഗസ്റ്റ് 18നും 25നും കോട്ടയം വഴി തിരിച്ചുവിടും.3. ട്രെയിന്‍ നമ്പര്‍ 16355: കൊച്ചുവേളി – മംഗളുരു: അന്ത്യോദയ എക്‌സ്പ്രസ് ഓഗസ്റ്റ് 17, 22, 24 തീയ്യതികളില്‍ കോട്ടയം വഴി തിരിച്ചുവിടും.4. ട്രെയിന്‍ നമ്പര്‍ 16128: ഗുരുവായൂര്‍ – ചെന്നൈ എഗ്മോര്‍ എക്‌സ്പ്രസ് ഓഗസ്റ്റ് 4, 5, 10 തീയ്യതികള്‍ വിരുദുനഗര്‍, മാനാമധുരൈ, കാരയ്ക്കുടി, പുതുക്കോട്ടൈ, തിരുച്ചിറപ്പള്ളി വഴി തിരിച്ചുവിടും.5. ട്രെയിന്‍ നമ്പര്‍ 16127: ചെന്നൈ എഗ്മോര്‍-ഗുരുവായൂര്‍ എക്‌സ്പ്രസ് ഓഗസ്റ്റ് 8ന് പുതുക്കോട്ടൈ, മാനാമധുരൈ, വിരുദുനഗര്‍ വഴി തിരിച്ചുവിടും.