Organisation
മക്ക ഐ സി എഫ് കുടിവെള്ള പദ്ധതി നാടിന് സമര്‍പ്പിച്ചു
പരമ ദരിദ്രരും നിരാലംബരും തിങ്ങി താമസിക്കുന്ന ഉത്തരേന്ത്യന്‍ സംസ്ഥാനങ്ങളില്‍ അഞ്ചു പൊതു കിണറുകള്‍ നിര്‍മിച്ചു നല്‍കി.
മക്ക | പരമ ദരിദ്രരും നിരാലംബരും തിങ്ങി താമസിക്കുന്ന ഉത്തരേന്ത്യന്‍ സംസ്ഥാനങ്ങളില്‍ മക്ക ഐ സി എഫ് അഞ്ചു പൊതു കിണറുകള്‍ നിര്‍മിച്ചു നല്‍കി. ബീഹാറിലെ ചോര്‍ക്കൂര്‍, ഝാര്‍ഖണ്ഡിലെ നോബിട്ടോല, ഗന്നി പര, പശ്ചിമ ബംഗാളിലെ ചിക്‌നി, കുരിയാട്ടൂര്‍ എന്നിവിടങ്ങളിലാണ് മര്‍കസ് ത്വയ്ബ ഗാര്‍ഡന്‍ സ്വീറ്റ് വാട്ടര്‍ പ്രോജക്ടുമായി സഹകരിച്ച് കിണറുകള്‍ നിര്‍മിച്ചു നല്‍കിയത്. ജാതി മത ഭേദമന്യേ കുടിക്കാനും വീടുകളിലേക്ക് കൊണ്ടുപോയി സൂക്ഷിക്കാനും മസ്ജിദുകളില്‍ അംഗശുദ്ധി വരുത്താനും ഓരോ കിണറുകള്‍ക്കരികിലും പ്രത്യേകം സൗകര്യം ഏര്‍പ്പെടുത്തിയാണ് നിര്‍മാണം പൂര്‍ത്തീകരിച്ചിരിക്കുന്നത്.
മക്ക സെന്‍ട്രല്‍ ‘ഇല്‍ത്തിസം 2024 ‘ എക്‌സിക്യൂട്ടീവ് ക്യാമ്പില്‍ കേരള മുസ്‌ലിം ജമാഅത്ത് പ്രതിനിധി മുഹമ്മദ് മാസ്റ്റര്‍ പറവൂരിന്റെ സാന്നിധ്യത്തില്‍ ഐ സി എഫ് കാബിനറ്റ് അംഗങ്ങള്‍ അവ നാടിന് സമര്‍പ്പിച്ചു.
ചടങ്ങില്‍ സെന്‍ട്രല്‍ പ്രസിഡന്റ് ഷാഫി ബാഖവി അധ്യക്ഷത വഹിച്ചു. ഐ സി എഫ് മക്ക പ്രൊവിന്‍സ് ഓര്‍ഗനൈസേഷന്‍ പ്രസിഡന്റ് അബ്ദുനാസ്വിര്‍ അന്‍വരി ഉദ്ഘാടനം ചെയ്തു. മുഹമ്മദ് മാസ്റ്റര്‍ പറവൂര്‍ മുഖ്യ പ്രഭാഷണം നടത്തി.
ത്വല്‍ഹത്ത് മാത്തോട്ടം, ഹമീദ് പൂക്കോടന്‍, സല്‍മാന്‍ വെങ്ങളം, അബൂബക്കര്‍ കണ്ണൂര്‍, റഷീദ് വേങ്ങര, നാസര്‍ തച്ചം പൊയില്‍, സുഹൈര്‍, ഷഹീര്‍ കോട്ടക്കല്‍ സംബന്ധിച്ചു. ശിഹാബ് കുറുകത്താണി സ്വാഗതവും ജമാല്‍ കക്കാട് നന്ദിയും പറഞ്ഞു.
Latest
വിദ്വേഷ പരാമര്‍ശ കേസ്; പി സി ജോര്‍ജിന് മുന്‍കൂര്‍ ജാമ്യം
സ്പിരിറ്റ് ഓഫ് ദ യൂണിയൻ ആചരണവും കൊയ്ത്തുത്സവവും ജനുവരി 18ന് അൽ ഐനിൽ
ദുരൂഹ സമാധി: കല്ലറ അനുയോജ്യമായ സമയത്ത് പൊളിച്ച് പരിശോധിക്കുമെന്ന് കലക്ടര്‍ അനുകുമാരി
മലപ്പുറം എടക്കരയിൽ കാട്ടാന ആക്രമണത്തിൽ വീട്ടമ്മ കൊല്ലപ്പെട്ടു
അബ്ദുല്‍ റഹീമിന്റെ മോചനം വൈകും; ആറാം തവണയും കേസ് മാറ്റിവെച്ചു
കാസ്രോട്ടാർ കൂട്ടായ്മ്മ വാർഷികാഘോഷ പരിപാടി സംഘടിപ്പിച്ചു
