മലയാളികള്‍ വിദ്യാഭ്യാസത്തിന്റെ മഹത്വം തിരിച്ചറിഞ്ഞവര്‍: ആരിഫ്ഖാന്‍

ന്യൂഡല്‍ഹി | വിദ്യാഭ്യാസത്തിന്റെ മഹത്വം തിരിച്ചറിഞ്ഞവരാണ് മലയാളികളെന്നും കേരളം രാജ്യത്തിന് പ്രചോദനമാകണമെന്നും കേരള മുന്‍ ഗവര്‍ണര്‍ ആരിഫ് മുഹമ്മദ് ഖാന്‍. എല്ലാ മലയാളികള്‍ക്കും അദ്ദേഹം ആശംസകളും നേര്‍ന്നു.

വിദ്യാഭ്യാസം നല്‍കാന്‍ വീട് വിറ്റും അത് ഉറപ്പാക്കുന്ന സമൂഹമാണ് കേരളം. തന്റെ ഹൃദയത്തില്‍ പ്രത്യേക സ്ഥാനം കേരളത്തിനുണ്ട്. ഈ ബന്ധം ജീവിതകാലം മുഴുവന്‍ തുടരും. എല്ലായിടത്തും തങ്ങളുടേതായ സ്ഥാനം ഉറപ്പിച്ചവരാണ് മലയാളികളെന്നും ആരിഫ് മുഹമ്മദ് ഖാന്‍ പറഞ്ഞു.

കേരളവുമായുള്ള ബന്ധം തുടരുമെന്നും അദ്ദേഹം കൂട്ടിച്ചേര്‍ത്തു. കേരള ഹൗസില്‍ നിന്ന് മടങ്ങുന്നതിന് മുമ്പ് അദ്ദേഹം ജീവനക്കാരുമായി ഫോട്ടോ സെഷന്‍ നടത്തി. കേരള സര്‍ക്കാരിന്റെ പ്രത്യേക പ്രതിനിധി കെ വി തോമസ് ഗവര്‍ണറെ കണ്ട് യാത്ര പറഞ്ഞു. വ്യക്തിപരമായ ബന്ധത്തിന്റെ ഭാഗമായാണ് ഗവര്‍ണറെ കണ്ടതെന്ന് അദ്ദേഹം പ്രതികരിച്ചു.