National
ഐ എസ് എല്‍ രാജാക്കന്‍മാരെ വരവേറ്റ് മമത ബാനര്‍ജി
ബംഗാള്‍ രാജ്യത്തിന് വഴി കാണിക്കുമെന്നും ബംഗാള്‍ ഇന്ന് ചിന്തിക്കുന്ന കാര്യം ഇന്ത്യ നാളെ ചിന്തിക്കുമെന്നും മമത
കൊല്‍ക്കത്ത | ഇന്ത്യന്‍ സൂപ്പര്‍ ലീഗിലെ കിരീട നേട്ടത്തിന് ശേഷം ബെംഗാളിലെത്തിയ എ ടി കെ മോഹന്‍ ബഗാന്‍ താരങ്ങള്‍ക്ക് ഊശ്മള സ്വീകരണം നല്‍കി വെസ്റ്റ് ബെംഗാള്‍ മുഖ്യമന്ത്രി മമത ബാനര്‍ജി. ഗോവയിലെ പണ്ഡിറ്റ് ജവഹര്‍ ലാല്‍ നെഹ്‌റു സ്റ്റേഡിയത്തില്‍ കഴിഞ്ഞ ദിവസം നടന്ന ഫൈനല്‍ മത്സരത്തില്‍ എഫ് ബെംഗളൂരുവിനെ പെനാല്‍ട്ടി ഷൂട്ടൗട്ടില്‍ 4-3ന് കീഴടക്കിയാണ് എ ടി കെ മോഹന്‍ ബഗാന്‍ കിരീടം നേടിയത്. തുടര്‍ന്ന്, ഇന്നലെ ബെംഗാളിലെത്തിയ ടീമിന് വന്‍ സ്വീകരണമാണ് ഫുട്ബോൾ പ്രേമികള്‍ നല്‍കിയത്.
ഇതിനു ശേഷം ക്ലബ്ബ് ഉടമയുടെ സ്വീകരണം ഇന്നലെ രാത്രി നടന്നു. ഇന്നാണ് മുഖ്യമന്ത്രി മമത ബാനര്‍ജി താരങ്ങള്‍ക്ക് സ്വീകരണം നല്‍കിയത്. ഓരോ താരങ്ങളെയും മുഖ്യമന്ത്രി അഭിനന്ദിച്ചു.
ബംഗാള്‍ രാജ്യത്തിന് വഴി കാണിക്കുമെന്നും ബംഗാള്‍ ഇന്ന് ചിന്തിക്കുന്ന കാര്യം ഇന്ത്യ നാളെ ചിന്തിക്കുമെന്നും മമത ചടങ്ങിനിടെ പറഞ്ഞു. ബെംഗാള്‍ ലോകം കീഴടക്കുമെന്നും അവര്‍ കൂട്ടിച്ചേര്‍ത്തു.
അതോടൊപ്പം, ക്ലബിനെ ലോകോത്തര ടീമായി മാറ്റണമെന്നും മമത ആവശ്യപ്പെട്ടു. അതിനായി ബംഗാള്‍ സര്‍ക്കാര്‍ 50 ലക്ഷം രൂപയുടെ സഹായധനം പ്രഖ്യാപിക്കുകയും ചെയ്തു.
Latest
ആശുപത്രിയില്‍ സഹായിക്കാനെത്തിയ സ്ത്രീ വയോധികയുടെ സ്വര്‍ണമാല കവര്‍ന്നു
പി സി ജോര്‍ജ് ജയിലിലേക്ക്‌; 14 ദിവസം റിമാന്‍ഡ്
മദ്യലഹരിയില്‍ യുവഡോക്ടര്‍മാര്‍ ഓടിച്ച ജീപ്പ് ഇടിച്ചു തെറിപ്പിച്ച ഭക്ഷണ വിതരണക്കാരായ യുവാക്കളില്‍ ഒരാള്‍മരിച്ചു
മലപ്പുറത്തുനിന്നും കാണാതായ രണ്ട് കുട്ടികളേയും കോഴിക്കോട്ടെ മാളില്‍ കണ്ടെത്തി
യു പ്രതിഭ എംഎല്‍എയുടെ മകനെതിരായ കേസ്: കേസെടുത്ത ഉദ്യോഗസ്ഥരോട് ഹാജരാകാന്‍ എക്‌സൈസ് കമ്മീഷണര്‍
വടക്കഞ്ചേരിയില്‍ ഗൃഹനാഥനെ തട്ടിക്കൊണ്ടുപോയി വഴിയില്‍ ഉപേക്ഷിച്ചു; പ്രതികള്‍ ബന്ധുക്കളെന്ന് പോലീസ്
