സ്വീഡനിൽ വിശുദ്ധ ഖുർആൻ പ്രതികൾ കത്തിച്ച് കലാപത്തിന് ശ്രമിച്ചയാൾ വെടിയേറ്റു മരിച്ചു

സ്റ്റോക്ക്ഹോം | 2023-ൽ സ്വീഡനിൽ വിശുദ്ധ ഖുർആൻ പ്രതികൾ കത്തിച്ച് വർഗീയ കലാപത്തിന് ശ്രമിച്ചയാൾ വെടിയേറ്റു മരിച്ചു. ഇറാഖി ക്രിസ്ത്യൻ മതവിശ്വാസിയായ സൽവാൻ മൊമിക്കയാണ് കൊല്ലപ്പെട്ടത്. വർഗീയ വിദേശ്വഷം പ്രോത്സാഹിപ്പിച്ചു എന്ന കേസിൽ ഇയാൾക്ക് എതിരെ സ്റ്റോക്ക്ഹോം കോടതി വിധി പറയുന്നതിന് തലേ ദിവസമാണ് സംഭവം. സംഭവത്തെ തുടർന്ന് വിധി പറയുന്നത് കോടതി ഫെബ്രുവരി മൂന്നിലേക്ക് മാറ്റി.

സൽവാൻ നിരവധി ഇടങ്ങളിൽ വിശുദ്ധ ഖുർആൻ പ്രതികൾ കത്തിക്കുകയും കലാപത്തിന് കോപ്പ് കൂട്ടുകയും ചെയ്തിരുന്നു. ഇയാളുടെ പ്രവർത്തിക്ക് എതിരെ മുസ്ലീം രാജ്യങ്ങളിൽ വ്യാപക പ്രതിഷേധമാണ് അലയടിച്ചത്.

മൊമിക്ക താമസിച്ചിരുന്ന സോഡെർട്ടാൽജെ നഗരത്തിലാണ് വെടിവയ്പ്പ് നടന്നതെന്ന് പോലീസ് പ്രസ്താവനയിൽ പറഞ്ഞു. കെട്ടിടത്തിന് അകത്തുവെച്ചാണ് ഇയാൾക്ക് വെടിയേറ്റത്. പോലീസ് എത്തിയപ്പോൾ വെടിയേറ്റ നിലയിൽ കണ്ടെത്തിയ മൊമിക്കയെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.