carabao cup
കരബാവോ കപ്പില്‍ മുത്തമിട്ട് മാഞ്ചസ്റ്റര്‍ യുനൈറ്റഡ്; വര്‍ഷങ്ങളുടെ കിരീട വരള്‍ച്ചക്ക് വിരാമം
ന്യൂകാസിൽ യുനൈറ്റഡിനെ ഏകപക്ഷീയമായ രണ്ട് ഗോളുകള്‍ക്ക് പരാജയപ്പെടുത്തിയാണ് യുനൈറ്റഡിന്റെ കിരീട നേട്ടം.
ലണ്ടന്‍ | ആറ് വര്‍ഷത്തെ കിരീട വരള്‍ച്ചക്ക് വിരാമമിട്ട് കരബാവോ കപ്പില്‍ മുത്തമിട്ട് മാഞ്ചസ്റ്റര്‍ യുനൈറ്റഡ്. വെംബ്ലി സ്റ്റേഡിയത്തിൽ ന്യൂകാസിൽ യുനൈറ്റഡിനെ ഏകപക്ഷീയമായ രണ്ട് ഗോളുകള്‍ക്ക് പരാജയപ്പെടുത്തിയാണ് യുനൈറ്റഡിന്റെ കിരീട നേട്ടം. കാസെമീറോ, മാര്‍കസ് റാഷ്‌ഫോര്‍ഡ് എന്നിവരാണ് സ്‌കോറര്‍മാര്‍.
ആദ്യ പകുതിയില്‍ തന്നെ രണ്ട് ഗോളുകള്‍ നേടി മേധാവിത്വം പുലര്‍ത്താന്‍ മാഞ്ചസ്റ്ററിന് സാധിച്ചു. സെറ്റ് പീസിനെ തുടര്‍ന്നുള്ള ലൂക് ഷായുടെ ക്രോസ്സിന് കാസെമീറോ സുന്ദരമായി ഹെഡ് ചെയ്യുകയായിരുന്നു. ബോക്‌സിന്റെ മധ്യത്തില്‍ നിന്നുള്ള ആ ഹെഡര്‍ പതിച്ചത് വലയുടെ വലതുമൂലയിലാണ്. 33ാം മിനുട്ടിലായിരുന്നു ഈ ഗോള്‍. അധികം വൈകാതെ 39ാം മിനുട്ടില്‍ ബോക്‌സിന്റെ ഇടതുഭാഗത്തുനിന്നുള്ള ഇടങ്കാലനടിയില്‍ റാഷ്‌ഫോര്‍ഡ് ടീമിന്റ രണ്ടാം ഗോള്‍ നേടി.
2017ലാണ് ഏറ്റവും ഒടുവില്‍ യുനൈറ്റഡ് ഒരു കിരീടം നേടിയത്. ഈ സീസണില്‍ ടെന്‍ ഹാഗിന്റെ കീഴില്‍ പടിപടിയായി മികവ് പ്രകടിപ്പിക്കുന്നതിന്റെ ഒടുവിലത്തെ ഉദാഹരണം കൂടിയാണിത്. 68 വര്‍ഷത്തിനിടെ ആദ്യമായി പ്രധാന ആഭ്യന്തര കിരീടം നേടുക എന്ന ലക്ഷ്യമിട്ടാണ് ന്യൂകാസില്‍ ബൂട്ടുകെട്ടിയത്.
Latest
പെര്‍ത്ത് ടെസ്റ്റ്; തകര്‍ത്തടിച്ച് ജയ്‌സ്വാളും രാഹുലും, ഇന്ത്യ ശക്തമായ നിലയില്‍
മുനമ്പത്ത് ആരെയും കുടിയിറക്കില്ല; സമരക്കാര്‍ക്ക് മുഖ്യമന്ത്രിയുടെ ഉറപ്പ്
ജാമിഅത്തുല്‍ ഹിന്ദിന്റെ ആദ്യ സെമസ്റ്റര്‍ പരീക്ഷ 25ന് ആരംഭിക്കും
'വികസനത്തിന്റെയും സദ്ഭരണത്തിന്റെയും വിജയം'; മഹാരാഷ്ട്രയിലെ വോട്ടര്‍മാര്‍ക്ക് നന്ദി പറഞ്ഞ് പ്രധാനമന്ത്രി
ഭരണ വിരുദ്ധ വികാരമില്ല, ചേലക്കരയിലേത് ഉജ്ജ്വല വിജയം, വര്‍ഗീയതക്കെതിരായ വോട്ട് ഇടതിന് ലഭിച്ചു: മുഖ്യമന്ത്രി
അവകാശവാദങ്ങള്‍ പൊളിഞ്ഞു; എങ്കിലും സാന്നിധ്യമറിയിച്ച് അന്‍വര്‍
