Ongoing News
വാഹന പരിശോധനക്കിടെ കഞ്ചാവ് പിടിച്ചു; യുവാവ് അറസ്റ്റില്‍
സംഭവവുമായി ബന്ധപ്പെട്ട് പശ്ചിമ ബംഗാള്‍ സ്വദേശി സഹിദുള്‍ ഇസ്ലാമിനെ എക്സൈസ് അറസ്റ്റ് ചെയ്തു.
പത്തനംതിട്ട | പത്തനംതിട്ട എക്സൈസ് ഇന്റലിജന്‍സ് വിഭാഗം നല്‍കിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയില്‍ 1.150 കിലോഗ്രാം കഞ്ചാവ് കണ്ടെടുത്തു. സംഭവവുമായി ബന്ധപ്പെട്ട് പശ്ചിമ ബംഗാള്‍ സ്വദേശി സഹിദുള്‍ ഇസ്ലാമിനെ എക്സൈസ് അറസ്റ്റ് ചെയ്തു.
പത്തനംതിട്ട ഡെപ്യൂട്ടി എക്സൈസ് കമ്മീഷണര്‍ വി എ സലീമിന്റെ നിര്‍ദേശാനുസരണം പത്തനംതിട്ട എക്സൈസ് സര്‍ക്കിള്‍ ഇന്‍സ്‌പെക്ടര്‍ എസ് ഷാജിയുടെ നേതൃത്വത്തിലാണ് ആറന്‍മുള, മാലക്കര ആല്‍ത്തറ ജങ്ഷനില്‍ വാഹന പരിശോധന നടത്തിയത്. അസമില്‍ നിന്നും ഓണത്തോടനുബന്ധിച്ച് കഞ്ചാവ് കടത്തുന്നുവെന്ന രഹസ്യ വിവരത്തിന്റെ അടിസ്ഥാനത്തിലായിരുന്നു വാഹന പരിശോധന.
പത്തനംതിട്ട കുലശേഖരപതി ഭാഗത്ത് തൊഴിലാളികളുടെ ഇടയില്‍ സ്ഥിരമായി കഞ്ചാവ് വിതരണം ചെയ്യുന്നയാളാണ് പ്രതി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. പരിശോധനയില്‍ പ്രിവന്റീവ് ഓഫീസര്‍മാരായ എസ് സുരേഷ് കുമാര്‍, വി കെ സുരേഷ്, സിവില്‍ എക്സൈസ് ഓഫീസര്‍ എം എന്‍ അനോഷ്, ഡ്രൈവര്‍ സതീശന്‍ പങ്കെടുത്തു.
Latest
അപകടത്തില്‍ മരിച്ച നടിമാരായ അഞ്ജലി, ജെസി മോഹന്‍ എന്നിവരുടെ മൃതദേഹവുമായി ബന്ധുക്കള്‍ നാട്ടിലേക്ക് തിരിച്ചു
കോങ്ങാട് ബസ് മറിഞ്ഞ് നിരവധിപ്പേര്‍ക്ക് പരിക്ക്
മാട്രിമോണിയല്‍ സൈറ്റുകള്‍ വഴി പണം തട്ടിയ കേസ്; ദമ്പതികള്‍ അറസ്റ്റില്‍
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ചു; പ്രതിക്ക് 12 വര്‍ഷം കഠിനതടവും 2.1 ലക്ഷം രൂപ പിഴയും
ശൈഖ് അബൂബക്കര്‍ ഫൗണ്ടേഷന്‍ സ്‌കോളര്‍ സ്പാര്‍ക് ടാലന്റ് ഹണ്ട് പരീക്ഷ: അപേക്ഷ ക്ഷണിച്ചു
നെടുമ്പാശ്ശേരി വിമാനത്താവളത്തില്‍ ഏഴരക്കോടിയുടെ കഞ്ചാവ് പിടിച്ചെടുത്തു; മൂന്നുപേര്‍ അറസ്റ്റില്‍
