Kerala
മാസപ്പടി കേസ്; എസ്എഫ്ഐഒ റിപ്പോര്‍ട്ടിൽ രണ്ട് മാസത്തേക്ക് തുടര്‍ നടപടി പാടില്ലെന്ന് ഹൈക്കോടതി ഉത്തരവ്
സിഎംആര്‍എല്‍ എംഡി ശശിധരന്‍, ടി വീണ വിജയന്‍ ഉള്‍പ്പെടെയുള്ളവര്‍ക്കു സമന്‍സ് അയക്കുന്നത് അടക്കമുള്ള നടപടികള്‍ക്കാണ് സ്റ്റേ.
കൊച്ചി | സിഎംആര്‍എല്‍ എക്‌സാലോജിക് സാമ്പത്തിക ഇടപാടില്‍ ക്രമക്കേടു നടന്നെന്ന എസ്എഫ്ഐഒ അന്വേഷണ റിപ്പോര്‍ട്ടില്‍ രണ്ട് മാസത്തേക്ക് തുടര്‍നടപടികള്‍ പാടില്ലെന്ന് ഹൈക്കോടതി ഉത്തരവ്. എസ്എഫ്ഐഒ റിപ്പോര്‍ട്ടില്‍ കുറ്റം ചുമത്തിയത് ചോദ്യം ചെയ്ത് സിഎംആര്‍എല്‍ നല്‍കിയ ഹരജിയിലാണ് ഹൈക്കോടതി ഉത്തരവ്. പ്രതിചേര്‍ക്കപ്പെട്ടവരുടെ വാദം കേള്‍ക്കാതെയാണ് വിചാരണക്കോടതി തീരുമാനമെടുത്തതെന്നായിരുന്നു ഹരജിയില്‍ സിഎംആര്‍എലിന്റെ വാദം.
സിഎംആര്‍എല്ലിന്റെ ഹരജി ഫയലില്‍ സ്വീകരിച്ച ഹൈക്കോടതി കേസ് പുതിയ ഡിവിഷന്‍ ബെഞ്ചിലേക്ക് അയക്കാനാണ് തീരുമാനിച്ചിരിക്കുന്നത്. വിചാരണ കോടതി തിങ്കളാഴ്ച സമന്‍സ് അയക്കാന്‍ ഒരുങ്ങുന്നതിനിടെയാണ് സിഎംആര്‍എല്‍ ഹൈക്കോടതിയില്‍ ഹരജി സമര്‍പ്പിച്ചത്.
സിഎംആര്‍എല്ലിനോടും കേന്ദ്ര സര്‍ക്കാരിനോടും സത്യവാങ്മൂലം സമര്‍പ്പിക്കാനും കോടതി ഇടക്കാല ഉത്തരവിട്ടിട്ടുണ്ട്.എസ്എഫ്ഐഒ റിപ്പോര്‍ട്ടിനെതിരെ സിഎംആര്‍എല്‍ നല്‍കിയ ഹരജി ഫയലില്‍ സ്വീകരിച്ച ഹൈക്കോടതി കേന്ദ്ര കമ്പനികാര്യ മന്ത്രാലയത്തിന് നോട്ടീസയച്ചു. എസ്എഫ്ഐഒ ഉള്‍പ്പടെയുള്ള എതിര്‍ കക്ഷികള്‍ അഞ്ചാഴ്ചയ്ക്കകം മറുപടി നല്‍കണം. ഹരജി അവധിക്കാലത്തിന് ശേഷം ഹൈക്കോടതി പരിഗണിക്കും.
Latest
വഖ്ഫ് ഭേദഗതി നിയമം: കോണ്‍ഗ്രസ്സിനെയും ലീഗിനെയും വിമര്‍ശിച്ച് മുഖ്യമന്ത്രി
മുനമ്പം ഭൂമി വഖ്ഫ് ആണെന്നതിന് തെളിവുകളുണ്ട്; വി ഡി സതീശനെതിരെ വഖ്ഫ് ബോര്‍ഡ്
ലഹരിക്കെതിരായ പ്രചാരണം ശക്തമാക്കും, ജൂണില്‍ വിപുലമായ കാമ്പയിന്‍: മുഖ്യമന്ത്രി
ഇ കെ വിഭാഗത്തിലെ ഭിന്നത അതിരൂക്ഷം: ലീഗ് വിരുദ്ധരെ കടന്നാക്രമിച്ച് ജാമിഅ സമ്മേളനം
വഖ്ഫ് ഭേദഗതി നിയമം: കോപ്പി കടലിലെറിഞ്ഞ് ഐ എന്‍ എല്‍ പ്രതിഷേധം
ശ്രീനിവാസന്‍ വധക്കേസ്: പ്രതികളുടെ ജാമ്യം റദ്ദാക്കണമെന്ന എന്‍ ഐ എ ആവശ്യം തള്ളി സുപ്രീം കോടതി
