Kerala
ബ്രൂവറിയില്‍ ഭീമമായ അഴിമതി; പ്രതിപക്ഷം പിണറായിയുടെ ചൊല്‍പ്പടിക്ക് നില്‍ക്കുന്നു: വി മുരളീധരന്‍
വാര്‍ത്താ സമ്മേളനത്തിനപ്പുറം അഴിമതി പുറത്തുകൊണ്ടുവരാന്‍ വി ഡി സതീശന്‍ ഒന്നും ചെയ്യില്ല.
ന്യൂഡല്‍ഹി | പാലക്കാട്ട് ബ്രൂവറിക്ക് അനുമതി നല്‍കിയതില്‍ ഭീമമായ അഴിമതിയെന്ന് മുന്‍ കേന്ദ്ര മന്ത്രി വി മുരളീധരന്‍. പൊതുമേഖലാ സ്ഥാപനമായ മലബാര്‍ ഡിസ്റ്റിലറിയെ അവഗണിച്ച് ഇന്‍ഡോറില്‍ നിന്ന് സ്വകാര്യ കമ്പനിയായ ഒയാസിസിനെ മദ്യനയത്തില്‍ ഭേദഗതി വരുത്തി കൊണ്ടുവന്നതില്‍ അഴിമതിയുണ്ട്.
മറ്റ് വകുപ്പുകളുമായി ആലോചിക്കാതെ എക്‌സൈസ് വകുപ്പ് ഏകപക്ഷീയമായി മുന്നോട്ട് പോകുന്നത് ദുരൂഹമാണ്. ഡല്‍ഹി മദ്യനയ അഴിമതിയില്‍ ഉള്‍പ്പെട്ട കമ്പനിയുമായുള്ള ഇടപാട് പിണറായി-കെജ്‌രിവാള്‍ ബന്ധത്തിന്റെ ഭാഗമാണോയെന്ന് മുരളീധരന്‍ ചോദിച്ചു.
പിണറായി വിജയന്റെ ചൊല്‍പ്പടിക്ക് നില്‍ക്കുന്ന പ്രതിപക്ഷമാണ് കേരളത്തില്‍. വാര്‍ത്താ സമ്മേളനത്തിനപ്പുറം അഴിമതി പുറത്തുകൊണ്ടുവരാന്‍ വി ഡി സതീശന്‍ ഒന്നും ചെയ്യില്ല. ബ്രൂവറി ഇടപാടില്‍ ബി ജെ പി നിയമവഴി തേടുമെന്ന് മുരളീധരന്‍ വ്യക്തമാക്കി. വിയോജിപ്പുണ്ടെന്ന് പറഞ്ഞ് തടിതപ്പാതെ സി പി ഐ തുടര്‍നടപടികളോട് സഹകരിക്കാതെയിരിക്കുമോ എന്നും മുന്‍ കേന്ദ്രമന്ത്രി ചോദിച്ചു.
Latest
നന്‍മയുടെ വിമര്‍ശങ്ങളെ സ്വാഗതം ചെയ്യും; തരൂരിന്റെ പ്രസ്താവനയില്‍ പ്രതികരിച്ച് കെസി വേണുഗോപാല്‍
തെലങ്കാനയില്‍ തുരങ്കത്തില്‍ കുടുങ്ങിയ തൊഴിലാളികളെ പുറത്തെത്തിക്കാന്‍ നാവികസേന എത്തും
വയനാട്ടിലെ ദുരന്തബാധിതരോടുള്ള കേന്ദ്ര അവഗണന; പാര്‍ലമെന്റിന് മുന്നിലെ രാപ്പകല്‍ സമരത്തിന് ഇന്ന് തുടക്കം
സ്‌കൂളില്‍ പോകാതെ വീട്ടിലിരുന്ന് പരീക്ഷക്ക് തയാറെടുക്കാം; വിദ്യാര്‍ത്ഥികളോട് യൂട്യൂബ് ചാനലിലൂടെ ആഹ്വാനം ചെയ്തവര്‍ക്കെതിരെ അധ്യാപക സംഘടന
സർക്കാർ മേഖലയിലെ റമസാൻ പ്രവൃത്തി സമയം പ്രഖ്യാപിച്ചു
ഹത്ത ഡാമിൽ നിന്ന് വൈദ്യുതി ഏപ്രിൽ മുതൽ
