മുംബൈ കാമാത്തിപുരയില്‍ വന്‍ തീപിടിത്തം; കത്തിക്കരിഞ്ഞ നിലയില്‍ ഒരു മൃതദേഹം കണ്ടെത്തി

മുംബൈ| മുംബൈയിലെ കാമാത്തിപുരയില്‍ വന്‍ തീപിടിത്തം. ദക്ഷിണ മുംബൈയിലെ ഗ്രാന്റ് റോഡിന് സമീപമുള്ള കാമാത്തിപുരയിലെ തടി മാര്‍ക്കറ്റിലാണ് തീപിടിത്തമുണ്ടായത്. സംഭവസ്ഥലത്തുനിന്ന് കത്തിക്കരിഞ്ഞ നിലയില്‍ ഒരു മൃതദേഹം കണ്ടെത്തി.

വെള്ളിയാഴ്ച പുലര്‍ച്ചെ രണ്ട് മണിയോടെയാണ് തീപിടിത്തമുണ്ടായതെന്നാണ് റിപ്പോര്‍ട്ടുകള്‍. വിവരമറിഞ്ഞ് 16 ഫയര്‍ എഞ്ചിനുകള്‍ സ്ഥലത്തെത്തി. അവര്‍ തീ അണക്കാനും പടരാതിരിക്കാനും തീവ്ര ശ്രമം നടത്തിക്കൊണ്ടിരിക്കുകയാണ്. തീപിടിത്തത്തെതുടര്‍ന്ന് സമീപമുള്ള ഷോപ്പിംഗ് മാളും ഒരു ബഹുനില കെട്ടിടവും ഒഴിപ്പിച്ചിട്ടുണ്ടെന്ന് അധികൃതര്‍ അറിയിച്ചു.