മേയര്‍ക്ക് സൗന്ദര്യമുണ്ട്, വായില്‍നിന്ന് വരുന്നത് ഭരണിപ്പാട്ട്: ആര്യ രാജേന്ദ്രനെ അധിക്ഷേപിച്ച് മുരളീധരന്‍

തിരുവനന്തപുരം| കോര്‍പ്പറേഷന്‍ മേയര്‍ ആര്യ രാജേന്ദ്രനെ വ്യക്തിപരമായി അധിക്ഷേപിച്ച് കെ.മുരളീധരന്‍ എംപി. മേയര്‍ക്ക് സൗന്ദര്യമുണ്ടെങ്കിലും വായില്‍നിന്ന് വരുന്നത് ഭരണിപ്പാട്ട് ആണെന്ന് മുരളീധരന്‍ പറഞ്ഞു.

ഇതൊക്കെ ഒറ്റ മഴയത്ത് കിളിര്‍ത്തതാണ്. മഴ കഴിയുമ്പോഴേക്കും അത് തീരുമെന്നും മുരളീധരന്‍ വ്യക്തമാക്കി. ഇങ്ങനെയാണ് മുന്നോട്ടു പോകുന്നതെങ്കില്‍ മേയറെ നോക്കി ‘കനകസിംഹാസനത്തില്‍…’ എന്ന് തുടങ്ങുന്ന പാട്ട് പാടേണ്ടിവരുമെന്നും മുരളീധരന്‍ കൂട്ടിച്ചേര്‍ത്തു. കോര്‍പ്പറേഷനിലെ നികുതി വെട്ടിപ്പിനെതിരെ കോണ്‍ഗ്രസ് നടത്തിയ സമരത്തില്‍ പ്രസംഗിക്കുകയായിരുന്നു മുരളീധരന്‍