mc josephine death
എം സി ജോസഫൈന്റെ മൃതദേഹം ഇന്ന് മെഡിക്കല്‍ കോളജിന് കൈമാറും
അങ്കമാലി ഏരിയ കമ്മിറ്റി ഓഫീസിലും സി എം എ ഹാളിലും പൊതുദര്‍ശനം
കൊച്ചി | അന്തരിച്ച സി പി കേന്ദ്ര കമ്മിറ്റി അംഗം എം സി ജോസഫൈന്റെ മൃതദേഹം ഇന്ന് ഉച്ചക്ക് ശേഷം കളമശ്ശേരി മെഡിക്കല്‍ കോളജിന് കൈമാറും. ബന്ധുക്കളുടെ അന്തിമോപചാരത്തിന് ശേഷം മൃതദേഹം പൊതുദര്‍ശനത്തിനായി അങ്കമാലി ഏരിയ കമ്മിറ്റി ഓഫീസിലേക്ക് മാറ്റി. 9.30ഓടെ ഇവിടെ അങ്കമാലി സി എം എ ഹാളിലേക്ക് കൊണ്ടുപോകും. രണ്ട് മണിവരെ ഇവിടെ പൊതുദര്‍ശനത്തിന് സമയമുണ്ട്. തുടര്‍ന്നാകും ജോസഫൈന്റെ ആഗ്രഹപ്രകാരം മൃതദേഹം മെഡിക്കല്‍ വിദ്യാര്‍ഥികള്‍ക്ക് പഠിക്കാനായി കൈമാറുക. കളമശ്ശേരി മെഡിക്കല്‍ കോളജിലെ സൂപ്രണ്ട് എത്തിയാകും മൃതദേഹം സ്വീകരിക്കുക.
ശനിയാഴ്ച പാര്‍ട്ടി കോണ്‍ഗ്രസ് വേദിയില്‍ കുഴഞ്ഞുവീണ ജോസഫൈന്‍, കണ്ണൂര്‍ എ കെ ജി ആശുപത്രിയില്‍ ചികിത്സയിലിരിക്കെ ഇന്നലെയാണ് അന്തരിച്ചത്. ജോസഫൈന്റെ മൃതദേഹം ഇന്നലെ രാത്രി പത്ത് മണിയോടെയാണ് അങ്കമാലിയിലെ വീട്ടിലെത്തിച്ചത്. എം സ്വരാജിന്റെ നേതൃത്വത്തിലുള്ള പാര്‍ട്ടി നേതാക്കള്‍ വിലാപയാത്രയെ അനുഗമിച്ചു.
Latest
എം ഡി എം എയുമായി രണ്ട് യുവാക്കള്‍ പിടിയില്‍
വൈദ്യുതാഘാതമേറ്റ് യുവാവ് മരിച്ചു
എസ് ഐ ഓടിച്ച കാറിടിച്ച് ഇന്‍ഫോ പാര്‍ക്ക് ജീവനക്കാരന് പരുക്കേറ്റു
വിലക്ക് ലംഘിച്ച് വാര്‍ത്താ സമ്മേളനം; പി വി അന്‍വറിനെതിരെ കേസെടുക്കാന്‍ നിര്‍ദേശം
അബുബാദി സെക്യൂരിറ്റീസ് എക്‌സ്‌ചേഞ്ചില്‍ ലുലുവിന്റെ ലിസ്റ്റിങ്ങ് വ്യാഴാഴ്ച; ഓഹരി അലോക്കേഷന്‍ പൂര്‍ത്തിയായി
'കട്ടന്‍ ചായയും പരിപ്പുവടയും ഒരു കമ്യൂണിസ്റ്റ് ജീവിതം'; കേരള രാഷ്ട്രീയത്തില്‍ പ്രകമ്പനമുണ്ടാക്കാന്‍ ഇ പി ജയരാജന്റെ ആത്മകഥയെത്തുന്നു
