അന്‍വറിനോട് ചോദ്യങ്ങള്‍ ചോദിച്ച മാധ്യമ പ്രവര്‍ത്തകര്‍ക്കു നേരെ കൈയേറ്റം

മണ്ണാര്‍ക്കാട് | പി വി അന്‍വറിനോട് ചോദ്യങ്ങള്‍ ചോദിച്ച മാധ്യമ പ്രവര്‍ത്തകര്‍ക്കു നേരെ കൈയേറ്റം. പാലക്കാട് അലനല്ലൂരില്‍ വ്യാപാരി വ്യവസായി ഏകോപന സമിതിയുടെ പരിപാടിക്കു ശേഷമായിരുന്നു സംഭവം.

സ്വകാര്യ ചാനല്‍ റിപോര്‍ട്ടറെയും പ്രാദേശിക മാധ്യമ പ്രവര്‍ത്തകനെയുമാണ് കൈയേറ്റം ചെയ്തത്. സദസ്സിലുണ്ടായിരുന്നു ഒരു കൂട്ടമാളുകളാണ് അക്രമം നടത്തിയത്.

അന്‍വറിനോട് ചോദ്യങ്ങള്‍ ചോദിക്കേണ്ടെന്ന് അക്രമികള്‍ പറയുകയായിരുന്നു. കൈയേറ്റം നടത്തിയവരെ കണ്ടെത്തുമെന്നും നടപടി സ്വീകരിക്കുമെന്നും വ്യാപാരി വ്യവസായി ഏകോപന സമിതി ഭാരവാഹികള്‍ പറഞ്ഞു.