Kerala
ക്ലിഫ് ഹൗസിലെ കൂടിക്കാഴ്ച ദൈനംദിന ഓഫീസ് നിര്‍വഹണത്തിന്റെ ഭാഗം; മുഖ്യമന്ത്രിയുടെ ഓഫീസ്
ഈ നിലയില്‍ വാര്‍ത്ത സൃഷ്ടിക്കുന്നത് മാധ്യമ ധാര്‍മികതയ്‌ക്കോ മര്യാദയ്‌ക്കോ നിരക്കുന്നതല്ലെന്നും കുറിപ്പ്
തിരുവനന്തപുരം | പൊളിറ്റില്‍ സെക്രട്ടറി പി ശശി, അഡീഷണല്‍ പ്രൈവറ്റ് സെക്രട്ടറി സി എം രവീന്ദ്രന്‍, കെ കെ രാകേഷ് എന്നിവരുമായി മുഖ്യമന്ത്രി ക്ലിഫ് ഹൗസില്‍ നടത്തിയ കൂടിക്കാഴ്ച പതിവ് ഉള്ളതാണെന്നും ദൈനംദിന ഓഫീസ് നിര്‍വഹണത്തിന്റെ ഭാഗമാണെന്നും മുഖ്യമന്ത്രിയുടെ ഓഫീസ് അറിയിച്ചു.
കൂടിക്കാഴ്ച പ്രത്യേക കാര്യത്തിന് വേണ്ടി എന്നത് വ്യാജ വാര്‍ത്തയാണെന്നും ഇത് മാധ്യമ ധാര്‍മികതയ്ക്ക് നിരക്കാത്തതാണെന്നും വാര്‍ത്താകുറിപ്പില്‍ പറഞ്ഞു. മുഖ്യമന്ത്രിയുടെ പ്രൈവറ്റ് സെക്രട്ടറിയുള്‍പ്പെടെയുള്ളവരുടെ കൂടിക്കാഴ്ച്ച വാര്‍ത്തയായിരുന്നു. ഇതിന് പിന്നാലെയാണ് വിശദീകരണവുമായി ഓഫീസ് കുറിപ്പ് ഇറക്കിയത്.
പുറത്തിറക്കിയ വാര്‍ത്താ കുറിപ്പ്:
മുഖ്യമന്ത്രി ഓഫീസില്‍ പേഴ്‌സണല്‍ സ്റ്റാഫിനെ കാണുന്നതും പ്രൈവറ്റ് സെക്രട്ടറിയും പൊളിറ്റിക്കല്‍ സെക്രട്ടറിയും അടക്കമുള്ളവര്‍ മുഖ്യമന്ത്രിയുടെ ഔദ്യോഗിക വസതിയില്‍ എത്തുന്നതും ദൈനംദിന ഓഫീസ് നിര്‍വഹണത്തില്‍ സാധാരണമായ കാര്യമാണ്. അത് മുഖ്യമന്ത്രി തലസ്ഥാനത്തുള്ള എല്ലാ ദിവസവും നടക്കാറുള്ളതുമാണ്. അതിനെ ഒരു തരത്തിലും ഉള്ള പരിശോധനയും നടത്താതെ, മുഖ്യമന്ത്രിയുടെ വസതിയില്‍ എന്തോ പ്രത്യേക കാര്യം ചര്‍ച്ച ചെയ്യാന്‍ സ്റ്റാഫിലെ ചിലര്‍ എത്തി എന്ന നിലയില്‍ വാര്‍ത്ത സൃഷ്ടിക്കുന്നത് മാധ്യമ ധാര്‍മികതയ്‌ക്കോ മര്യാദയ്‌ക്കോ നിരക്കുന്നതല്ല.
വാര്‍ത്തകള്‍ വ്യാജമായി സൃഷ്ടിച്ചെടുക്കാനുള്ള ഇത്തരം നിരുത്തരവാദപരമായ ശ്രമങ്ങള്‍ മാധ്യമങ്ങളുടെ വിശ്വാസ്യതയെ തന്നെ തകര്‍ക്കുന്നതാണെന്നും കുറിപ്പില്‍ പറയുന്നു.
Latest
അന്‍വറിന്റെ നിര്‍ണായക രാഷ്ട്രീയ സമ്മേളനം തുടങ്ങി; പോലീസ് പലഭാഗത്തും ജനങ്ങളെ തടഞ്ഞതായി അന്‍വര്‍
കോഴിക്കോട്ട് താമസക്കാരനായ ബംഗാള്‍ സ്വദേശിയെ രണ്ടര കിലോ കഞ്ചാവുമായി എക്‌സൈസ് പിടികൂടി
പോയി തരത്തില്‍ കളിക്ക്; അന്‍വറിനെ പരാമര്‍ശിച്ച് മുഖ്യമന്ത്രിയുടെ പ്രസ് സെക്രട്ടറിയുടെ കുറിപ്പ്
ചോദ്യപേപ്പറും ഉത്തര സൂചികയും പ്രസിദ്ധീകരിച്ചത് പരീക്ഷ നടപടികള്‍ കഴിഞ്ഞെന്നു പി എസ് സി
പി വി അന്‍വറിന് തിരിച്ചടി; പാര്‍ട്ടിയിലോ മുന്നണിയിലോ എടുക്കില്ലെന്ന പ്രഖ്യാപനവുമായി ഡി എം കെ
ക്ലിഫ് ഹൗസിലെ കൂടിക്കാഴ്ച ദൈനംദിന ഓഫീസ് നിര്‍വഹണത്തിന്റെ ഭാഗം; മുഖ്യമന്ത്രിയുടെ ഓഫീസ്
