ഇടുക്കി മാങ്കുളത്ത് ബ്രേക്ക് നഷ്ടപെട്ട മിനി ലോറി വിനോദ സഞ്ചാരികളുടെ കാറില്‍ ഇടിച്ചു; ഒരു മരണം

ഇടുക്കി| ഇടുക്കി മാങ്കുളത്ത് ബ്രേക്ക് നഷ്ടപെട്ട മിനി ലോറി വിനോദ സഞ്ചാരികളുടെ കാറില്‍ ഇടിച്ച് അപകടം. വാഹനാപകടത്തില്‍ ഒരാള്‍ മരിച്ചു. അസം സ്വദേശിയായ അതിഥി തൊഴിലാളി ജയ് ഗോപാല്‍ മണ്ഡല്‍ (21) ആണ് മരിച്ചത്. മറ്റൊരു തൊഴിലാളിക്ക് പരുക്കേറ്റു.

ബ്രേക്ക് നഷ്ടപെട്ട മിനി ലോറി തമിഴ്‌നാട്ടില്‍ നിന്നെത്തിയ വിനോദ സഞ്ചാരികളുടെ കാറില്‍ ഇടിക്കുകയായിരുന്നു. ലോറിയുടെ പുറകിലാണ് തൊഴിലാളി നിന്നിരുന്നത്.  കാറിലുണ്ടായിരുന്ന രണ്ട് സ്ത്രീകള്‍ക്കും പരുക്കേറ്റു. പരുക്കേറ്റവര്‍ ചികിത്സയിലാണ്. മരിച്ചയാളുടെ മൃതദേഹം മോര്‍ച്ചറിയിലേക്ക് മാറ്റി.