എഡിജിപി സിപിഎം നേതാവല്ലെന്ന് മന്ത്രി എംബി രാജേഷ്

തിരുവനന്തപുരം | എഡിജിപി എം ആര്‍ അജിത്ത് കുമാറിന്റെയും ആര്‍ എസ് എസ് നേതാവിന്റെയും കൂടികാഴ്ചയില്‍ പ്രതികരണവുമായി മന്ത്രി എം ബി രാജേഷ്.കൂടിക്കാഴ്ച നടത്തിയ എം ആര്‍ അജിത്ത് കുമാര്‍ സിപിഎമ്മുകാരനല്ലെന്ന് മന്ത്രി പറഞ്ഞു.അതേസമയം ആര്‍ എസ് എസ് നേതാവുമായി എഡിജിപി കൂടിക്കാഴ്ച നടത്തിയോയെന്ന് തനിക്ക് അറിയില്ലെന്നും അദ്ദേഹം പറഞ്ഞു.

അത്തരത്തില്‍ കൂടിക്കാഴ്ച നടത്തിയിട്ടുണ്ടെങ്കില്‍ അത് അന്വേഷണത്തില്‍ വ്യക്തമാകുമെന്നും മന്ത്രി പറഞ്ഞു.കമ്മ്യൂണിസ്റ്റ് പാര്‍ട്ടിയുടെ പ്രത്യയശാസ്ത്ര രാഷ്ട്രീയ ശത്രുവാണ് ആര്‍എസ് എസ്.  മുഖ്യമന്ത്രി പിണറായി വിജയന്റെ തലക്ക് വിലയിട്ടവരാണ് ആര്‍എസ്എസ്. ഉദ്യോഗസ്ഥര്‍ ആരെയെല്ലാം കാണാന്‍ പോകുന്നുണ്ട്. പാര്‍ട്ടിക്കും സര്‍ക്കാരിനുമെതിരെ നടക്കുന്നത് ആസൂത്രിത പ്രചാരണമാണെന്നും ഇതിന് പിന്നില്‍ വലിയ ഗൂഢാലോചനയുണ്ടെന്നും എം ബി രാജേഷ് പറഞ്ഞു.