Kerala
സഊദിയില്‍ ബാങ്ക് വിളി കേട്ടില്ലെന്നത് തിരുത്തി മന്ത്രി സജി ചെറിയാന്‍; പരാമര്‍ശം തെറ്റായ വിവരത്തില്‍ സംഭവിച്ചതെന്ന് വിശദീകരണം
ബാങ്ക് വിളി കേട്ടില്ല എന്ന എന്റെ പരാമര്‍ശം എനിക്ക് ലഭിച്ച തെറ്റായ വിവരത്തില്‍ നിന്നും സംഭവിച്ചതാണ്. മാന്യ സഹോദരങ്ങള്‍ ഇതു മനസിലാക്കി തെറ്റിദ്ധാരണ മാറ്റണമെന്ന് അഭ്യര്‍ത്ഥിക്കുന്നു
തിരുവനന്തപുരം | സഊദിയില്‍ പോയപ്പോള്‍ ബാങ്ക് വിളി കേട്ടില്ലെന്ന പരാമര്‍ശത്തില്‍ തിരുത്തുമായി മന്ത്രി സജി ചെറിയാന്‍. അത്തരമൊരു പരാമര്‍ശം തനിക്ക് ലഭിച്ച തെറ്റായ വിവരത്തില്‍ നിന്നും സംഭവിച്ചതാണെന്ന് മന്ത്രി വിശദീകരിച്ചു. ഇതു മനസിലാക്കി തെറ്റിദ്ധാരണ മാറ്റണമെന്നും ഫേസ്ബുക്ക് കുറിപ്പില്‍ മന്ത്രി അഭ്യര്‍ഥിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം വായിക്കാം:
ഇന്നലെ ഞാന്‍ നടത്തിയ പ്രസംഗത്തിലെ ചില ഭാഗങ്ങള്‍ എന്റെ ഉദ്ദേശശുദ്ധിയെ മനസിലാക്കാതെയാണ് ചിലര്‍ പ്രചരിപ്പിക്കുന്നത്. സൗദി അറേബ്യയില്‍ സന്ദര്‍ശനം നടത്തിയ അവസരത്തില്‍ മതാനുഷ്ഠാനങ്ങള്‍, പ്രഭാഷണങ്ങള്‍ എന്നിവ നടത്തുന്നത് സംബന്ധിച്ചും അവിടെ പാലിക്കുന്ന മിതത്വത്തെ സംബന്ധിച്ചും മറ്റ് മതസ്ഥരോടും അന്യനാട്ടുകാരോടും അവര്‍ കാണിക്കുന്ന സ്‌നേഹവും ബഹുമാനത്തെപ്പറ്റിയും സഹയാത്രികന്‍ പറഞ്ഞതാണ് ഞാന്‍ പരാമര്‍ശിച്ചത്.മതസൗഹാര്‍ദത്തിന്റെ മികച്ച മാതൃക എനിക്കവിടെ കാണാനായി. ഗള്‍ഫ് രാജ്യങ്ങളിലേക്ക് തൊഴിലിനായി പോയ മലയാളികള്‍ കേരളത്തിന്റെ മുഖച്ഛായ മാറ്റുന്നതില്‍ നിര്‍ണായക പങ്ക് വഹിച്ചതിനെ സംബന്ധിച്ചും ഞാന്‍ പറഞ്ഞു. ബാങ്ക് വിളി കേട്ടില്ല എന്ന എന്റെ പരാമര്‍ശം എനിക്ക് ലഭിച്ച തെറ്റായ വിവരത്തില്‍ നിന്നും സംഭവിച്ചതാണ്. മാന്യ സഹോദരങ്ങള്‍ ഇതു മനസിലാക്കി തെറ്റിദ്ധാരണ മാറ്റണമെന്ന് അഭ്യര്‍ത്ഥിക്കുന്നു.
Latest
മെട്രോ നീലപ്പാത നിർമാണ കരാർ അന്തിമഘട്ടത്തിൽ
ശരീരത്തിലെ കൊഴുപ്പ് കളയാൻ നാല് ചുവന്ന ഭക്ഷണങ്ങള്‍
മൂന്നിടങ്ങളിലും ഇടതുമുന്നണിയുടെ സ്വാധീനം വർധിച്ചു; സര്‍ക്കാരിന് അനുകൂലമായ നല്ല പ്രതികരണം ഉണ്ടായി: ഇ പി ജയരാജന്‍
നടന്മാര്‍ക്കെതിരായ പരാതി പിൻവലിക്കില്ല; താന്‍ നേരിട്ട അതിക്രമത്തിന് നീതി വേണം: ആലുവയിലെ നടി
വിജയിച്ചെങ്കിലും ഉപതിരഞ്ഞെടുപ്പ് ഫലം കോണ്‍ഗ്രസിന് വാണിംഗ് നല്‍കുന്നു; കെ മുരളീധരന്‍
വിവാഹ മോചന പ്രഖ്യാപനത്തിന് പിന്നാലെ അപവാദ പ്രചാരണം; നിയമനടപടിക്ക് ഒരുങ്ങി എ ആർ റഹ്മാൻ
