Kerala
മോശം പെരുമാറ്റം ചോദ്യം ചെയ്തു; വിദ്യാര്‍ഥിയെ ബസ് കണ്ടക്ടര്‍ അക്രമിച്ചു
സംഭവത്തെ തുടര്‍ന്ന് വിദ്യാര്‍ഥി തൃക്കാക്കര സഹകരണ ആശുപത്രിയില്‍ ചികിത്സതേടി.
കാക്കനാട് | സ്വകാര്യ ബസില്‍ മോശമായി പെരുമാറിയത് ചോദ്യംചെയ്ത പത്താംക്ലാസുകാരനെ ബസ് കണ്ടക്ടര്‍ മര്‍ദിക്കുകയും കടിച്ച് പരിക്കേല്‍പിക്കുകയും ചെയ്തതായി പരാതി. മദീന ബസിലെ കണ്ടക്ടറാണ് വിദ്യാര്‍ഥിയെ കടിക്കുകയും മര്‍ദിക്കുകയും ചെയതത്. ഇടപ്പള്ളി സെന്റ് ജോര്‍ജ് സ്‌കൂളിലെ പത്താം ക്ലാസ് വിദ്യാര്‍ഥി കങ്ങരപ്പടി സ്വദേശി വി.ജെ.കൃഷ്ണജിത്താണ് അക്രമത്തിനിരയായത്. സംഭവത്തെ തുടര്‍ന്ന് വിദ്യാര്‍ഥി തൃക്കാക്കര സഹകരണ ആശുപത്രിയില്‍ ചികിത്സതേടി.
ഇടപ്പള്ളിയില്‍നിന്ന് ബസില്‍ കയറിയ വിദ്യാര്‍ഥിയോട് കണ്ടക്ടര്‍ മോശമായാണ് പെരുമാറിയത്. ബസിനകത്ത് അങ്ങോട്ടും ഇങ്ങോട്ടും പലതവണ മാറ്റി നിര്‍ത്തി. ഇവിടെ നിന്നാല്‍ പോരേ എന്നു വിദ്യാര്‍ഥി തിരിച്ച് ചോദിച്ചതാണ് കണ്ടക്ടറെ പ്രകോപിപ്പിച്ചത്.തുടര്‍ന്ന് ഇയാള്‍ കുട്ടിയുടെ മുഖത്തടിക്കുകയും നെഞ്ചത്ത് കടിക്കുകയുമായിരുന്നു.
സംഭവത്തെ തുടര്‍ന്ന് കുട്ടിയും വീട്ടുകാരും പൊലീസിലും ബാലാവകാശ കമ്മിഷനിലും മോട്ടര്‍ വാഹന വകുപ്പിലും പരാതി നല്‍കി. ജഡ്ജിമുക്ക് ബസ് സ്റ്റോപ്പിലെത്തിയപ്പോഴാണ് സംഭവം.
Latest
മയക്കുമരുന്നു കടത്താന്‍ നിര്‍ബ്ബന്ധിച്ച് മര്‍ദ്ദനം; യുവതിയുടെ പരാതിയില്‍ കേസെടുത്തു
ബ്രത്ത് അനലൈസര്‍: കെ എസ് ആര്‍ ടി സി ബസ്്ജീവനക്കാരുടെ നടപടി ക്രമങ്ങളില്‍ മാറ്റം വരുത്തി
വഖഫ് ഭേദഗതി ബില്ലിലൂടെ സമൂഹത്തെ ഭിന്നിപ്പിക്കാന്‍ ശ്രമം: കെ രാധാകൃഷ്ണന്‍
ഗൂഡല്ലൂരില്‍ വിനോദയാത്രാ സംഘത്തിന് കടന്നല്‍ക്കുത്തേറ്റു; യുവാവ് മരിച്ചു
വഖ്ഫ് സ്വത്തുക്കള്‍ സംരക്ഷിക്കപ്പെടേണ്ടത് രാഷ്ട്രത്തിന്റെ ഉത്തരവാദിത്വം: എന്‍ അലി അബ്ദുല്ല
സാധാരണക്കാര്‍ക്ക് താങ്ങാവുന്ന ആരോഗ്യ പരിശോധനകള്‍; ഡയഗ്നോസ്റ്റിക് സെന്റര്‍ സേവനങ്ങള്‍ വിപുലീകരിച്ച് ഹിന്ദ്‌ലാബ്‌സ്
