National
മോദി ഒബിസിയില്‍ ജനിച്ച ആളല്ല, ജനങ്ങളെ തെറ്റിദ്ധരിപ്പിക്കുകയാണ്; രാഹുല്‍ ഗാന്ധി
മോദി ഒരു കര്‍ഷകന്റെയും ഒരു തൊഴിലാളിയുടെയും കൈ പിടിക്കുന്നില്ല. മോദി അദാനിക്ക് മാത്രമേ ഹസ്തദാനം നല്‍കൂവെന്നും രാഹുല്‍ ഗാന്ധി ആരോപിച്ചു.
ജാര്‍സുഗുഡ|പ്രധാനമന്ത്രി നരേന്ദ്രമോദിയെ രൂക്ഷമായി വിമര്‍ശിച്ച് കോണ്‍ഗ്രസ് നേതാവ് രാഹുല്‍ ഗാന്ധി രംഗത്ത്. നരേന്ദ്ര മോദി ഒബിസി വിഭാഗത്തില്‍ ജനിച്ച ആളല്ലെന്നും ജനറല്‍ വിഭാഗത്തില്‍പ്പെട്ട കുടുംബത്തിലാണ് അദ്ദേഹം ജനിച്ചതെന്നും രാഹുല്‍ ഗാന്ധി പറഞ്ഞു. ഒബിസി ആണെന്ന് സ്വയം വിശേഷിപ്പിച്ച് മോദി ജനങ്ങളെ തെറ്റിദ്ധരിപ്പിക്കുകയാണെന്നും രാഹുല്‍ കൂട്ടിച്ചേര്‍ത്തു. ഒഡിഷയിലെ ‘ഭാരത് ജോഡോ ന്യായ് യാത്ര’യുടെ സമാപനദിവസം സംസാരിക്കുകയായിരുന്നു അദ്ദേഹം.
ഗുജറാത്തിലെ തേലി സമുദായത്തിലാണ് മോദി ജനിച്ചത്. അതു പൊതുവിഭാഗത്തില്‍ പെട്ട സമുദായമായിരുന്നു. എന്നാല്‍ 2000ല്‍ ബി.ജെ.പി ആ സമുദായത്തെ ഒബിസി പട്ടികയില്‍ പെടുത്തി. ജന്‍മം കൊണ്ട് പ്രധാനമന്ത്രി ഒബിസിക്കാരനല്ല.
മോദി ഒരു ഒബിസിക്കാരെയും കെട്ടിപ്പിടിക്കുകയില്ല. ഒരു കര്‍ഷകന്റെയും ഒരു തൊഴിലാളിയുടെയും കൈ പിടിക്കുന്നില്ല. മോദി അദാനിക്ക് മാത്രമേ ഹസ്തദാനം നല്‍കൂവെന്നും രാഹുല്‍ ഗാന്ധി ആരോപിച്ചു. ജാതി സെന്‍സസ് നടത്താന്‍ ബിജെപിക്ക് കഴിയില്ലെന്നും തനിക്കും കോണ്‍ഗ്രസിനും മാത്രമേ കഴിയൂ. അക്കാര്യം എഴുതിവെച്ചോളൂവെന്നും രാഹുല്‍ ഗാന്ധി പ്രഖ്യാപിച്ചു.
Latest
മഹാരാഷ്ട്രയിലും ഝാര്‍ഖണ്ഡിലും വോട്ടെണ്ണല്‍ തുടങ്ങി
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും ഇന്ന് വോട്ടെണ്ണല്‍
പാലക്കാട്ട് രാഹുല്‍ ജയിച്ചു; ഭൂരിപക്ഷം 18,724 ചേലക്കരയില്‍ യു ആര്‍ പ്രദീപ് വിജയിച്ചു; ഭൂരിപക്ഷം 12,122
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്‍
ഹജ്ജ് കമ്മിറ്റി അംഗങ്ങളായി; ചെയര്‍മാന്‍ തിരഞ്ഞെടുപ്പ് ഉടന്‍
പെണ്‍മക്കളെ പീഡിപ്പിച്ച കേസില്‍ അച്ഛനെ രാജാക്കാട് പോലീസ് അറസ്റ്റ് ചെയ്തു
