National
മോഹന്‍ ബഗാന്‍ ചാമ്പ്യന്‍മാര്‍; കിരീട നേട്ടം ബംഗളുരു എഫ്‌സിക്കെതിരെ ഒന്നിനെതിരെ രണ്ടു ഗോളുകള്‍ക്ക്
ഇതോടെ ഒറ്റ സീസണില്‍ വിന്നേഴ്‌സ് ഷീല്‍ഡും കപ്പും സ്വന്തമാക്കുന്ന ചരിത്രത്തിലെ ആദ്യ ടീമായി മോഹന്‍ ബഗാന്‍ മാറി
കൊല്‍ക്കത്ത | ഇന്ത്യന്‍ സൂപ്പര്‍ ലീഗ് ഫുട്ബോളില്‍ കപ്പുയര്‍ത്തി മോഹന്‍ ബഗാന്‍ . അധിക സമയത്തേക്ക് നീണ്ട പോരാട്ടത്തില്‍ ബംഗളൂരു എഫ്സിയെ ഒന്നിനെതിരെ രണ്ട് ഗോളുകള്‍ക്ക് വീഴ്ത്തിയാണ് മോഹന്‍ ബഗാന്‍ കിരീടം നിലനിര്‍ത്തിയത്. ലീഗ് വിന്നേഴ്‌സ് ഷീല്‍ഡും മോഹന്‍ ബഗാന്‍ സ്വന്തമാക്കിയിരുന്നു. ഇതോടെ ഒറ്റ സീസണില്‍ വിന്നേഴ്‌സ് ഷീല്‍ഡും കപ്പും സ്വന്തമാക്കുന്ന ചരിത്രത്തിലെ ആദ്യ ടീമായി മോഹന്‍ ബഗാന്‍ മാറി.
മത്സരത്തിലെ ആദ്യ പകുതി ഗോള്‍ രഹിതമായിരുന്നു. രണ്ടാം പകുതി തുടങ്ങി 49ാം മിനിറ്റില്‍ ആല്‍ബര്‍ട്ടോ റോഡ്രിഗസിന്റെ ഓണ്‍ ഗോളില്‍ ബംഗളൂരുവാണ് ലീഡെടുത്തത്.72ാം മിനിറ്റില്‍ മോഹന്‍ ബഗാന്‍ സമനില പിടിച്ചു. ജാസന്‍ കമ്മിങ്സ് പെനാല്‍റ്റിയിലൂടെ ടീമിനു സമനില സമ്മാനിക്കുകയായിരുന്നു. നിശ്ചിത സമയത്ത് 1-1നു സമനിലയില്‍ പിരിഞ്ഞതോടെ കിരീട നിര്‍ണയം അധിക സമയത്തേക്ക്.അധിക സമയത്തിന്റെ തുടക്കത്തില്‍ തന്നെ മോഹന്‍ ബഗാന്‍ രണ്ടാം ഗോള്‍ നേടി മുന്നിലെത്തി. ജാമി മക്ലാരനാണ് ടീമിന്റെ വിജയ ഗോള്‍ നേടിയത്. ലീഡ് പിന്നീട് കൈവിടാതെ ബംഗളൂരുവിനെ സമര്‍ഥമായി പ്രതിരോധിച്ച് മോഹന്‍ ബഗാന്‍ കിരീട നേട്ടം ആവര്‍ത്തിച്ചു
Latest
വഖ്ഫ് നിയമ ഭേദഗതി; സംഘര്‍ഷമുണ്ടായ മുര്‍ഷിദാബാദില്‍ അതീവ ജാഗ്രത
മുംബൈ ഭീകരാക്രമണം; ആസൂത്രണം നടന്നത് ദുബൈയില്‍ വച്ചെന്ന് എന്‍ ഐ എ
ബില്ലുകളില്‍ തീരുമാനമെടുക്കാന്‍ സമയപരിധി; പുനപ്പരിശോധനാ ഹരജി നല്‍കാനൊരുങ്ങി കേന്ദ്ര സര്‍ക്കാര്‍
കുടിശ്ശികയും ആനുകൂല്യങ്ങളും നല്‍കാതെ നിര്‍മാണം അനുവദിക്കില്ല; വയനാട് ടൗണ്‍ഷിപ്പ് ഭൂമിയില്‍ ഇന്നുമുതല്‍ സമരം
ഇതൊക്കെയെന്ത്!
സാമൂഹിക സൗഹാര്‍ദം നിലനില്‍ക്കാന്‍ മത- രാഷ്ട്രീയ സംഘടനകള്‍ യോജിക്കണം: കാന്തപുരം
