മൊറോക്കോ ഭൂചലനം: മരണം രണ്ടായിരം കവിഞ്ഞു; മൂന്ന് ദിവസം ദുഖാഃചരണം

റബാത് | വെള്ളിയാഴ്ച രാത്രി മൊറോക്കോയിലുണ്ടായ ഭൂചലനത്തിൽ മരിച്ചവരുടെ എണ്ണം രണ്ടായിരം കടന്നു. ബിബിസിയുടെ കണക്കനുസരിച്ച് 1400ലധികം പേർക്ക് ഗുരുതരമായി പരിക്കേറ്റിട്ടുണ്ട്. രാജ്യത്ത് മുഹമ്മദ് ആറാമൻ രാജാവ് 3 ദിവസത്തെ ദേശീയ ദുഃഖാചരണം പ്രഖ്യാപിച്ചു. ദുരിതബാധിതർക്ക് ഭക്ഷണവും പാർപ്പിടവും മറ്റ് സഹായങ്ങളും നൽകാൻ അദ്ദേഹം ഉത്തരവിട്ടിട്ടുണ്ട്.

നൂറുകണക്കിനു ആളുകൾ ഇപ്പോഴും വീടുകളുടെ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായി സംശയമുണ്ട്. ഭൂകമ്പമുണ്ടായ സ്ഥലത്ത് രക്ഷാപ്രവർത്തനത്തിനായി സൈന്യത്തെ വിന്യസിച്ചിട്ടുണ്ട്. ആശുപത്രികളിലും സൈനിക ഡോക്ടർമാരുടെ സഹായം ഉറപ്പാക്കിയിട്ടുണ്ട്. മ​റാ​കി​ഷി​ൽ 12ാം നൂ​റ്റാ​ണ്ടി​ൽ നി​ർ​മി​ച്ച പ്ര​ശ​സ്ത​മാ​യ കൗ​തൗ​ബി​യ പ​ള്ളി​ക്ക് കേ​ടു​പ​റ്റി​യി​ട്ടു​ണ്ട്. ന​ഗ​ര​ത്തി​ലെ ച​രി​ത്ര പ്ര​സി​ദ്ധ​മാ​യ ‘ചു​ക​ന്ന മ​തി​ലു​ക​ൾ’​ക്കും കേ​ടു​പ​റ്റി.  തുടർചലനങ്ങളെ ഭയന്ന്, പല മൊറോക്കക്കാരും രാത്രി തെരുവിൽ ടെന്റ് കെട്ടിയാണ് ഉറങ്ങിയത്.

മൊറോക്കൻ ജിയോളജിക്കൽ സെന്റർ പറയുന്നതനുസരിച്ച്, ഭൂകമ്പത്തിന്റെ തീവ്രത 7.2 ആയിരുന്നു. എന്നിരുന്നാലും, യുഎസ് ജിയോളജിക്കൽ സർവ്വേ അതിന്റെ തീവ്രത 6.8 ആയി രേഖപ്പെടുത്തി. 120 വർഷത്തിനിടെ ഈ പ്രദേശത്ത് അനുഭവപ്പെടുന്ന ഏറ്റവും ശക്തമായ ഭൂചലനമാണിത്. യുഎൻ കണക്കുകൾ പ്രകാരം 3 ലക്ഷം പേരെ ഭൂകമ്പം ബാധിച്ചിട്ടുണ്ട്.

മാരാകേഷ് നഗരത്തിൽ നിന്ന് 70 കിലോമീറ്റർ അകലെ അറ്റ്‌ലസ് പർവതനിരകൾക്ക് സമീപമുള്ള ഇഗിൽ ഗ്രാമമാണ് ഭൂകമ്പത്തിന്റെ പ്രഭവകേന്ദ്രമെന്ന് റിപ്പോർട്ട്. ഭൂചലനത്തിന്റെ ആഴം ഭൂമിയിൽ നിന്ന് 18.5 കിലോമീറ്റർ താഴെയാണ്.