From the print
യു പിയില്‍ വീണ്ടും മസ്ജിദ് സര്‍വേ
ഹാടാ മേഖലയിലെ മദനി മസ്ജിദിലാണ് ഭൂമി കൈയേറ്റം ആരോപിച്ച് ഖുശിനഗര്‍ ജില്ലാ അധികൃതര്‍ പരിശോധന നടത്തിയത്.
ലക്‌നോ | സുപ്രീം കോടതി വിലക്ക് ലംഘിച്ച് ഉത്തര്‍ പ്രദേശിലെ മസ്ജിദില്‍ വീണ്ടും സര്‍വേ. ഹാടാ മേഖലയിലെ മദനി മസ്ജിദിലാണ് ഭൂമി കൈയേറ്റം ആരോപിച്ച് ഖുശിനഗര്‍ ജില്ലാ അധികൃതര്‍ പരിശോധന നടത്തിയത്.
ഇക്കാര്യം ഖുശിനഗര്‍ സബ് ഡിവിഷനല്‍ മജിസ്‌ട്രേറ്റ് (എസ് ഡി എം) പ്രഭാകര്‍ സിംഗ് സ്ഥിരീകരിച്ചു. സര്‍വേയുടെ അടിസ്ഥാനത്തിലുള്ള തുടര്‍നടപടികള്‍ ഉണ്ടാകുമെന്നും എസ് ഡി എം വ്യക്തമാക്കി.
പ്രാദേശിക ഭരണകൂടം നല്‍കുന്ന വിവരമനുസരിച്ച്, പ്രദേശത്തെ മുസ്ലിംകള്‍ 15 വര്‍ഷം മുമ്പാണ് മസ്ജിദ് നിര്‍മിക്കുന്നതിന് വേണ്ടി ഇവിടെ 32 സെന്റ് ഭൂമി വാങ്ങിയത്. ഇതിലെ 30 സെന്റ് ഭൂമിയും ഉപയോഗപ്പെടുത്തി പള്ളി പണിതു. പിന്നീട് അഞ്ച് സെന്റ് ഭൂമി കൈയേറി പള്ളിയില്‍ കൂട്ടിച്ചേര്‍ക്കല്‍ നടന്നെന്നാണ് പ്രാദേശിക ഭരണകൂടം ആരോപിക്കുന്നത്. ഇതു സംബന്ധിച്ച് പരാതികള്‍ ലഭിച്ചിട്ടുണ്ടെന്നും അധികൃതര്‍ പറയുന്നു. എന്നാല്‍, കഴിഞ്ഞ പത്ത് വര്‍ഷത്തോളമായി മസ്ജിദ് തടസ്സങ്ങളൊന്നുമില്ലാതെ പ്രവര്‍ത്തിച്ചുവരികയാണ്.
Latest
ക്രിസ്തുമസ് പരീക്ഷ ചോദ്യപേപ്പര്‍ ചോര്‍ച്ചയില്‍ കേസെടുത്ത് ക്രൈംബ്രാഞ്ച്; തട്ടിപ്പ്, വിശ്വാസ വഞ്ചനയടക്കം ഏഴ് വകുപ്പുകള്‍ ചുമത്തി
അഞ്ചു വയസുകാരനെ കൊലപ്പെടുത്താന്‍ ശ്രമിച്ച കേസ്; പ്രതികളുടെ ശിക്ഷ ഇന്ന് വിധിക്കും
ക്ഷേമ പെന്‍ഷന്‍ തട്ടിപ്പ്; പൊതുഭരണ വകുപ്പിലെ ആറ് പേര്‍ക്കെതിരെ കൂടി നടപടിക്ക് നിര്‍ദ്ദേശം
സംസ്ഥാനത്ത് അടുത്ത അഞ്ച് ദിവസം മഴക്ക് സാധ്യത
അംബേദ്കര്‍ വിവാദം; ഇരു സഭകളും ഇന്നും പ്രക്ഷുബ്ധമാകും
മുനമ്പം ഇഷ്ടദാനമായി ലഭിച്ച ഭൂമി; വഖ്ഫ് അല്ലെന്ന് ആവര്‍ത്തിച്ച് ഫാറൂഖ് കോളജ്
