കൊല്ലത്ത് ഉണ്ടാകില്ലെന്ന് അറിയിച്ചിരുന്നു; സി പി എം സമ്മേളനത്തില്‍ ക്ഷണമില്ലാത്തതിന് മുകേഷിന്റെ വിശദീകരണം

കൊല്ലം | സി പി എം സംസ്ഥാന സമ്മേളന ദിവസം കൊല്ലത്ത് ഉണ്ടാകില്ലെന്ന് പാര്‍ട്ടിയെ അറിയിച്ചതിനാലാണ് തന്നെ ക്ഷണിക്കാത്തതെന്ന് കൊല്ലം എം എല്‍ എ. എം മുകേഷ്. കൊല്ലത്ത് നടക്കുന്ന സമ്മേളനത്തില്‍ സ്ഥലം എം എല്‍ എയായ മുകേഷ് ഇല്ലാത്തതിനെ കുറിച്ച് ചര്‍ച്ചയായിരുന്നു. ഇതേത്തുടര്‍ന്നാണ് മുകേഷിന്റെ വിശദീകരണം. എറണാകുളത്ത് സിനിമാ ഷൂട്ടിലായതിനാലാണ് സമ്മേളനത്തില്‍ പങ്കെടുക്കാത്തതെന്നും മുകേഷ് പറഞ്ഞു.

കൊല്ലം എം എല്‍ എ എന്ന നിലയില്‍ മുഖ്യ സംഘാടകരില്‍ ഒരാള്‍ ആവേണ്ടയാളായിരുന്നു മുകേഷ്. സംസ്ഥാന സമ്മേളന പ്രതിനിധിയല്ലെങ്കിലും ഉദ്ഘാടന സെഷനില്‍ മുകേഷിന് പങ്കെടുക്കാമായിരുന്നു. എന്നാല്‍ ലൈംഗിക ആരോപണം ഉയര്‍ന്ന സാഹചര്യത്തില്‍ മുകേഷിനെ പാര്‍ട്ടി മാറ്റിനിര്‍ത്തിയതായാണ് സൂചന.