ഏഴ് മത്സരങ്ങള്‍ക്കു ശേഷം മുംബൈയെ തേടി ജയമെത്തി; ചെന്നൈയിനിനെ തോല്‍പ്പിച്ചത് ഒരു ഗോളിന്

ഫതോര്‍ദ | തോല്‍വിയെയും സമനിലയെയും മാത്രം അഭിമുഖീകരിക്കേണ്ടി വന്ന ഏഴ് മത്സരങ്ങള്‍ക്കു ശേഷം മുംബൈ സിറ്റിയെ തേടി ജയമെത്തി. ഇന്ന് നടന്ന മത്സരത്തില്‍ ചെന്നൈയിന്‍ എഫ് സിയെയാണ് മറുപടിയില്ലാത്ത ഒരു ഗോളിന് മുംബൈ പരാജയപ്പെടുത്തിയത്. 85 ാം മിനുട്ടില്‍ യുവതാരം വിക്രം പ്രതാപ് സിംഗിന്റെ വകയായിരുന്നു മുംബൈയുടെ ഗോള്‍. മത്സരത്തിലെ ആധിപത്യം മുംബൈക്കു തന്നെയായിരുന്നു.

ചെന്നൈയിന്‍ എഫ് സിക്കെതിരെ തന്നെയായിരുന്നു മുംബൈ അവസാനം വിജയിച്ചത്. അന്നും എതിരില്ലാത്ത ഒരു ഗോളിനായിരുന്നു ജയം. കേരള ബ്ലാസ്റ്റേഴ്‌സിനോട് എതിരില്ലാത്തെ മൂന്ന് ഗോളുകള്‍ക്ക് തോറ്റതോടെയാണ് മുംബൈക്കു മുന്നില്‍ വിജയ വഴി അടഞ്ഞത്. തുടര്‍ന്നുള്ള ഏഴ് മത്സരങ്ങളില്‍ രണ്ടെണ്ണത്തില്‍ അടിയറവു പറഞ്ഞ മുംബൈ അഞ്ചെണ്ണത്തില്‍ സമനില വഴങ്ങി. ഇന്നത്തെ ജയത്തോടെ 14 മത്സരങ്ങളില്‍ നിന്ന് 22 പോയിന്റുമായി മുംബൈ സിറ്റി അഞ്ചാം സ്ഥാനത്തെത്തി. 19 പോയിന്റുള്ള ചെന്നൈയിന്‍ ഏഴാമതാണ്.