Kerala
മുനമ്പം: ബി ജെ പി ശ്രമം വര്‍ഗീയ ധ്രുവീകരണത്തിന്; ജനങ്ങളെ കുടിയൊഴിപ്പിക്കേണ്ട സാഹചര്യമില്ലെന്നും എം വി ഗോവിന്ദന്‍
കുടിയൊഴിപ്പിക്കുന്നതിനെതിരേ സമരം നടത്തിയവരാണ് കമ്മ്യൂണിസ്റ്റുകാരെന്നും ഒരു കുടിയൊഴിപ്പിക്കലിനെയും അനുകൂലിച്ച ചരിത്രം സി പി എമ്മിനില്ലെന്നും ഗോവിന്ദന്‍.
പാലക്കാട്: മുനമ്പം വിഷയത്തില്‍ ബി ജെ പിക്കെതിരെ സി പി എം സംസ്ഥാന സെക്രട്ടറി എം വി ഗോവിന്ദന്‍. വര്‍ഗീയ ധ്രുവീകരണത്തിനാണ് ബി ജെ പി ശ്രമമെന്ന് ഗോവിന്ദന്‍ വാര്‍ത്താ സമ്മേളനത്തില്‍ ആരോപിച്ചു. മുനമ്പത്തെ ജനങ്ങളെ കുടിയൊഴിപ്പിക്കേണ്ട സാഹചര്യമില്ലെന്നും അദ്ദേഹം പറഞ്ഞു.
മുനമ്പത്തെന്നല്ല, സംസ്ഥാനത്ത് എവിടെയായാലും താമസിക്കുന്ന സ്ഥലത്ത് നിന്ന് അവരെ ഒഴിപ്പിക്കേണ്ട സാഹചര്യമില്ല. കുടിയൊഴിപ്പിക്കുന്നതിനെതിരേ സമരം നടത്തിയവരാണ് കമ്മ്യൂണിസ്റ്റുകാരെന്നും ഒരു കുടിയൊഴിപ്പിക്കലിനെയും അനുകൂലിച്ച ചരിത്രം സി പി എമ്മിനില്ലെന്നും സി പി എം സംസ്ഥാന സെക്രട്ടറി വ്യക്തമാക്കി.
കോടതി ഇടപെടല്‍ ഉള്‍പ്പെടെയുള്ള സാങ്കേതിക പ്രശ്നങ്ങളുണ്ടെങ്കിലും അതൊക്കെ സര്‍ക്കാര്‍ പരിശോധിച്ച് ആവശ്യമായ നടപടികള്‍ സ്വീകരിക്കുമെന്നും എം.വി ഗോവിന്ദന്‍ വ്യക്തമാക്കി.
മതത്തിന്റെ അടിസ്ഥാനത്തില്‍ വാട്സാപ്പ് ഗ്രൂപ്പുകള്‍ തുടങ്ങിയ വിഷയത്തെ ഗൗരവത്തോടെയാണ് കാണുന്നത്. ഇത്തരം ഗ്രൂപ്പുകളുമായി ബന്ധപ്പെട്ട കാര്യങ്ങള്‍ സര്‍ക്കാര്‍ പരിശോധിച്ച് ആവശ്യമായ നടപടി സ്വീകരിക്കുമെന്നും എം വി ഗോവിന്ദന്‍ പറഞ്ഞു.
Latest
വയനാട്ടിലും ചേലക്കരയിലും പലയിടത്തും വോട്ടിംഗ് യന്ത്രങ്ങളില്‍ തകരാര്‍; വോട്ടിംഗ് തടസപ്പെട്ടു
പാര്‍ട്ടി തന്നെ മനസിലാക്കിയില്ല, എല്‍ ഡിഎഫ് കണ്‍വീനര്‍ സ്ഥാനത്ത് നിന്ന് മാറ്റിയതില്‍ പ്രയാസം; ഇ പി ജയരാജന്റെ ആത്മകഥ ഭാഗങ്ങള്‍ പുറത്ത്
ഈ വര്‍ഷത്തെ ബുക്കര്‍ പുരസ്‌കാരം സാമന്ത ഹാര്‍വിയ്ക്ക്
ജാര്‍ഖണ്ഡ് നിയമസഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് ഇന്ന്
വയനാട്ടിലും ചേലക്കരയിലും ജനവിധി ഇന്ന്; വോട്ടെടുപ്പ് ആരംഭിച്ചു
ഗസ്സയിൽ നവജാത ശിശുക്കൾ ഉൾപ്പെടെ കൊല്ലപ്പെട്ടു
