കരമന സ്വദേശി അഖിലിന്റെ കൊലപാതകം;ഒരാള്‍ പിടിയില്‍

തിരുവനന്തപുരം|കരമന സ്വദേശി അഖിലിനെ കൊലപ്പെടുത്തിയ കേസില്‍ ഒരാള്‍ പിടിയില്‍. കൊലയാളി സംഘത്തിലുണ്ടായിരുന്ന അനീഷാണ് പിടിയിലായത്. അഖിലിനെ കൊല്ലാനായി പ്രതികള്‍ എത്തിയ കാര്‍ ഓടിച്ചിരുന്നത് അനീഷായിരുന്നു. ബാലരാമപുരത്ത് നിന്നാണ് ഇയാളെ പോലീസി പിടികൂടുന്നത്. പ്രതികളായ മറ്റ് മൂന്ന് പേര്‍ ഒളിവിലാണ്.

വെള്ളിയാഴ്ച വൈകിട്ട് അഞ്ച് മണിയോടെയാണ് കാറിലെത്തിയ സംഘം അഖിലിനെ കൊലപ്പെടുത്തിയത്. അഖിലിനെ ക്രൂരമായി കൊലപ്പെടുത്തിയതിന്റെ സിസി ടിവി ദൃശ്യങ്ങളും പുറത്തു വന്നു.അക്രമികള്‍ കമ്പിവടി കൊണ്ട് പലതവണ അഖിലിന്റെ തലയ്ക്കടിക്കുന്നതും ദൃശ്യങ്ങളിലുണ്ട്.

ഇരുമ്പു വടികൊണ്ട് പലതവണ തലയ്ക്കടിച്ച ശേഷം കല്ലുകൊണ്ട് ശരീരം മുഴുവന്‍ ആക്രമിച്ചിട്ടുണ്ട്. ഹോളോബ്രിക്സ് കൊണ്ടും യുവാവിന്റെ തലയ്ക്കടിച്ചിട്ടുണ്ട്. ആശുപത്രിയിലെത്തിക്കുമ്പോള്‍ തലയോട്ടി പിളര്‍ന്ന നിലയിലായിരുന്നു അഖിലെന്ന് പോലീസ് പറഞ്ഞു.