മുഷ്താഖ് അലി ട്രോഫി ട്വന്റി 20; ജമ്മുകാശ്മീരിനെതിരെ കേരളത്തിന് 62 റൺസ് ജയം.

മൊഹാലി | സയ്യിദ് മുഷ്താഖ് അലി ട്രോഫി ട്വന്റി 20 ക്രിക്കറ്റ് ടൂർണമെന്റിൽ ജമ്മുകാശ്മീരിനെതിരെ കേരളത്തിന് 62 റൺസ് ജയം. കേരളം ഉയർത്തിയ 185 റൺസ് വിജയലക്ഷ്യം പിന്തുടർന്ന ജമ്മുകാശ്മീരിന് 19 ഓവറിൽ 122 റൺസിന് മുഴുവൻ വിക്കറ്റുകളും നഷ്ടമായി. നാല് വിക്കറ്റ് നഷ്ടത്തിൽ 184 റൺസാണ് കേരളം നേടിയത്.

സച്ചിൻ ബേബിയുടെയും സഞ്ജുസാംസണിന്റെയും അർധ സെഞ്ച്വറിയുടെ ബലത്തിലാണ് കേരളം മികച്ച് വിജയം നേടിയത്. സച്ചിൻ 62 റൺസും സഞ്ചു 61 റൺസുമെടുത്തു. കേരളത്തിന് വേണ്ടി ബേസിൽ തമ്പിയും കെ എം ആസിഫും മൂന്നും വൈഷാഖ് ചന്ദ്രൻ രണ്ടും വിക്കറ്റുകൾ നേടി.

ശുഭം കജൂരിയ നേടിയ 30 റൺസാണ് ജമ്മുകാശ്മീരിന്റെ ഉയർന്ന സ്കോർ. ആറ് പേർ പത്തിൽ താഴെ റൺസുകൾക്ക് പുറത്തായി.