Kerala
നാദാപുരം ഷിബിന്‍ വധക്കേസ്; എട്ട് പ്രതികള്‍ കുറ്റക്കാര്‍, ശിക്ഷാ വിധി 15ന്
മുസ്ലിം ലീഗ് പ്രവര്‍ത്തകരടക്കമുള്ള 17 പ്രതികളെ വെറുതെ വിട്ടുകൊണ്ടുള്ള എരഞ്ഞിപ്പാലം അഡീഷണല്‍ സെഷന്‍സ് കോടതി വിധിക്കെതിരെ സര്‍ക്കാര്‍ ഉള്‍പ്പെടെ അപ്പീല്‍ പോവുകയായിരുന്നു
കോഴിക്കോട് | നാദാപുരം തൂണേരിയില്‍ ഡി വൈ എഫ് ഐ പ്രവര്‍ത്തകനായ ഷിബിന്‍ കൊല്ലപ്പെട്ട കേസില്‍ എട്ടുപ്രതികള്‍ കുറ്റക്കാരെന്ന് ഹൈക്കോടതി കണ്ടത്തി. ഒന്ന് മുതല്‍ ആറ് വരെ പ്രതികളെയും 15, 16 പ്രതികളെയുമാണ് ഹൈകോടതി കുറ്റക്കാരെന്ന് കണ്ടെത്തിയത്.
മുസ്ലിം ലീഗ് പ്രവര്‍ത്തകരടക്കമുള്ള 17 പ്രതികളെ വെറുതെ വിട്ടുകൊണ്ടുള്ള എരഞ്ഞിപ്പാലം അഡീഷണല്‍ സെഷന്‍സ് കോടതി വിധിക്കെതിരെ സര്‍ക്കാര്‍ ഉള്‍പ്പെടെ അപ്പീല്‍ പോവുകയായിരുന്നു. കേസ് പരിഗണിച്ച ഹൈക്കോടതി ഡിവിഷന്‍ ബെഞ്ച് കീഴ്ക്കോടതി വിധി ഭാഗികമായി റദ്ദാക്കി. കേസില്‍ ഒന്നു മുതല്‍ ആറു വരെ പ്രതികളെയും 15 , 16 പ്രതികളെയും കുറ്റക്കാരന്ന് ഹൈക്കോടതി കണ്ടെത്തി. പ്രതികള്‍ 15ന് ഹാജരാകണമെന്ന് കോടതി ഉത്തരവിട്ടു. ശിക്ഷ അന്ന് വിധിക്കും.
കുറ്റം തെളിയിക്കുന്നതില്‍ പ്രോസിക്യൂഷന്‍ പരാജയപ്പെട്ടതായി കണ്ടെത്തിയതിനെ തുടര്‍ന്ന് 18 പ്രതികളില്‍ 17 പേരെയാണ് അഡീഷണല്‍ സെഷന്‍സ് ജഡ്ജി എസ് കൃഷ്ണകുമാര്‍ വെറുതെ വിട്ടിരുന്നു. ഇതിനെതിരെയാണ് അപ്പീല്‍ പോയത്
2015 ജനുവരി 22ന് ആണ് കേസിന് ആസ്പദമായ സംഭവം നടന്നത്. കേസില്‍ തെയ്യംപാടി ഇസ്മായില്‍, സഹോദരന്‍ മുനീര്‍ എന്നീ മുസ്ലിം ലീഗ് പ്രവര്‍ത്തകരും പ്രതികളായിരുന്നു. രാഷ്ട്രീവും വര്‍ഗീയവുമായ വിരോധത്താല്‍ ലീഗ് പ്രവര്‍ത്തകരായ പ്രതികള്‍ മാരകായുധങ്ങളുമായി ഷിബിന്‍ ഉള്‍പ്പെടെയുള്ള സിപിഎം പ്രവര്‍ത്തകരെ ആക്രമിച്ചെന്നാണ് കേസ്.
Latest
പ്രവാചക നിന്ദ: യു പിയില്‍ ക്ഷേത്ര പുരോഹിതനെതിരെ കേസ്
ഏഴുവർഷം അൺലിമിറ്റഡ് കിലോമീറ്റർ വാറണ്ടിയുമായി ഹോണ്ട
ഓലയുടെ ദീപാവലി ഓഫർ; 49,999 രൂപയ്ക്ക് ഇലക്ട്രിക് സ്കൂട്ടർ സ്വന്തമാക്കാം
മുഖ്യമന്ത്രിയുടെ ഗണ്‍മാന് ക്ലീന്‍ ചിറ്റ്; യൂത്ത് കോണ്‍ഗ്രസ്സ് കോടതിയിലേക്ക്
സംസ്ഥാനത്ത് അടുത്ത അഞ്ച് ദിവസം മഴ കനക്കും; വിവിധ ജില്ലകളില്‍ യെല്ലോ അലര്‍ട്ട്
സംവരണത്തിനെതിരെ പ്രതിഷേധം; മഹാരാഷ്ട്ര ഡെപ്യൂട്ടി സ്പീക്കര്‍ സെക്രട്ടറിയറ്റിന്റെ മൂന്നാം നിലയില്‍ നിന്നും താഴേക്ക് ചാടി
