Kerala
നാട്ടിക ദീപക് വധക്കേസ്: അഞ്ച് ആര്‍ എസ് എസ് പ്രവര്‍ത്തകര്‍ക്ക് ജീവപര്യന്തം
ഒന്ന് മുതല്‍ അഞ്ച് വരെയുള്ള പ്രതികളായ ഋഷികേശ്, നിജിന്‍, പ്രശാന്ത്, രസന്ത്, ബ്രഷ്‌നേവ് എന്നിവരെയാണ് കോടതി കുറ്റക്കാരാണെന്ന് കണ്ടെത്തി ശിക്ഷിച്ചത്.
കൊച്ചി | നാട്ടിക ജനതാദള്‍ (യു) നേതാവായിരുന്ന ദീപക് വധക്കേസില്‍ അഞ്ച് ആര്‍ എസ് എസ് പ്രവര്‍ത്തകര്‍ക്ക് ജീവപര്യന്തം. ഹൈക്കോടതി ഡിവിഷന്‍ ബഞ്ചിന്റേതാണ് വിധി. കേസിലെ ഒന്ന് മുതല്‍ അഞ്ച് വരെയുള്ള പ്രതികളായ ഋഷികേശ്, നിജിന്‍, പ്രശാന്ത്, രസന്ത്, ബ്രഷ്‌നേവ് എന്നിവരെയാണ് കോടതി കുറ്റക്കാരാണെന്ന് കണ്ടെത്തി ശിക്ഷിച്ചത്. പ്രതികള്‍ ഓരോ ലക്ഷം രൂപ പിഴയും അടയ്ക്കണം.
2015 മാര്‍ച്ച് 24നാണ് പി ജി ദീപക് വധിക്കപ്പെട്ടത്. ജെ ഡി യു നാട്ടിക നിയോജക മണ്ഡലം പ്രസിഡന്റും സംസ്ഥാന കൗണ്‍സില്‍ അംഗവുമായിരുന്നു ദീപക്. കേസിലെ പ്രതികളെ വിചാരണ കോടതി വെറുതെ വിട്ടിരുന്നു. ഇതിനെതിരെ സര്‍ക്കാരും ദീപകിന്റെ കുടുംബവും ഹൈക്കോടതിയെ സമീപിക്കുകയായിരുന്നു.
ബി ജെ പി, ആര്‍ എസ് എസ് പ്രവര്‍ത്തകരാണ് കൊലപാതകം നടത്തിയതെന്നായിരുന്നു പ്രോസിക്യൂഷന്‍ ആരോപണം. കേസില്‍ പത്ത് പ്രതികളെയാണ് വിചാരണക്കോടതി വെറുതെവിട്ടിരുന്നത്.
Latest
വഖഫ് നിയമ ഭേദഗതിക്കെതിരായ ഹര്ജി;
അഭിഭാഷകന്റെ മരണം; ഭീഷണിപ്പെടുത്തിയ കുറ്റത്തിന് ഒരാള് അറസ്റ്റില്
ജിം സന്തോഷ് വധം; മുഖ്യപ്രതി തമിഴ്നാട്ടില് പിടിയില്
വാഹന ഉടമകളെ അനാവശ്യമായി ബുദ്ധിമുട്ടിക്കരുത്: ഗതാഗത കമ്മീഷണര്
ജനചേതന വാര്ഷികാഘോഷത്തിനു തുടക്കമായി
'ഇഅ്ദാദ്' ക്യാമ്പയിന് തുടക്കം
