Kerala
പി പി ദിവ്യക്കെതിരെ നവീന്‍ ബാബുവിന്റെ സഹോദരന്‍ പോലീസില്‍ പരാതി നല്‍കി
നവീന്‍ ബാബുവിന്റെ മരണത്തില്‍ ദിവ്യയുടെയും പെട്രോള്‍ പമ്പിന് അപേക്ഷ നല്‍കിയ പ്രശാന്തിന്റെയും പങ്ക് അന്വേഷിക്കണമെന്നും ആവശ്യപ്പെട്ടിട്ടുണ്ട്
കണ്ണൂര്‍ | എഡിഎം നവീന്‍ ബാബു മരിക്കാനിടയാക്കിയ സംഭവത്തില്‍ കണ്ണൂര്‍ ജില്ലാ പഞ്ചായത്ത് അധ്യക്ഷ പി പി ദിവ്യക്കെതിരെ നവീന്‍ ബാബുവിന്റെ സഹോദരന്‍ പോലീസില്‍ പരാതി നല്‍കി. നവീന്‍ ബാബുവിനെ ദിവ്യ ഭീഷണിപ്പെടുത്തിയെന്നും ദിവ്യക്കെതിരെ ആത്മഹത്യ പ്രേരണക്കുറ്റം ചുമത്തണമെന്നും കണ്ണൂര്‍ സിറ്റി പോലീസില്‍ സഹോദരന്‍ പ്രവീണ്‍ ബാബു നല്‍കിയ പരാതിയില്‍ പറയുന്നു.നവീന്‍ ബാബുവിന്റെ മരണത്തില്‍ ദിവ്യയുടെയും പെട്രോള്‍ പമ്പിന് അപേക്ഷ നല്‍കിയ പ്രശാന്തിന്റെയും പങ്ക് അന്വേഷിക്കണമെന്നും ആവശ്യപ്പെട്ടിട്ടുണ്ട്.ഇന്നലെ രാത്രിയാണ് പ്രവീൺ ബാബു പൊലീസിൽ പരാതി നൽകിയത്
അതിനിടെ നവീന്‍ ബാബുവിന്റെ സംസ്‌കാരം വ്യാഴാഴ്ചത്തേയ്ക്ക് മാറ്റി. നവീന്‍ ബാബുവിന്റെ മൃതദേഹം ചൊവ്വാഴ്ച രാത്രിയാണ് ബന്ധുക്കള്‍ക്ക് വിട്ടുനല്‍കിയത്. ഇന്ന് ഉച്ചയ്ക്ക് ശേഷമേ നാട്ടിലെത്തിക്കാനാവൂ.
കാസര്‍കോട് , കണ്ണൂര്‍ കളക്ടര്‍മാരുടെ സാന്നിധ്യത്തിലാണ് മൃതദേഹം ബന്ധുക്കള്‍ക്ക് വിട്ടു നല്‍കിയത്. സിപിഎം കണ്ണൂര്‍ ജില്ലാ സെക്രട്ടറി എം.വി ജയരാജന്‍, സിപിഎം സംസ്ഥാന കമ്മിറ്റി അംഗം ടി.വി രാജേഷ്, ആര്‍എസ്എസ് നേതാവ് വത്സന്‍ തില്ലങ്കേരി തുടങ്ങിയവര്‍ ആശുപത്രിയിലെത്തി അന്തിമോപചാരമര്‍പ്പിച്ചു. എംവി ജയരാജനും ടിവി രാജേഷും മൃതദേഹത്തെ അനുഗമിച്ച് പത്തനംതിട്ടയിലേക്ക് വരുന്നുണ്ട്
Latest
ജമ്മു കശ്മീരിനെ ഇനി ഉമര്‍ നയിക്കും; മുഖ്യമന്ത്രിയായി സ്ഥാനമേറ്റു
ഇന്നും രണ്ട് വിമാനങ്ങൾക്ക് ബോംബ് ഭീഷണി; മൂന്ന് ദിവസത്തിനിടെ 12-ാമത്തെ സംഭവം
രാഹുൽ ഒരു വ്യക്തിയുടെ സ്ഥാനാര്‍ഥിയല്ല; പാർട്ടിയുടെ നോമിനി: സരിന് മറുപടിയുമായി ഷാഫി പറമ്പില്‍ എം പി
അബൂദബിയില്‍ നിന്ന് ദുബൈയിലേക്ക് ഇനി 57 മിനുട്ട്; ട്രെയിനുകളുടെ യാത്രാസമയം വെളിപ്പെടുത്തി ഇത്തിഹാദ് റെയില്‍ പാസഞ്ചര്‍
മാലിന്യ ടാങ്ക് വൃത്തിയാക്കാനിറങ്ങിയ അഞ്ച് തൊഴിലാളികൾ ശ്വാസം മുട്ടി മരിച്ചു
പ്രത്യാഘാതം എന്തായാലും നേരിടും; സരിനെ തള്ളി പ്രതിപക്ഷനേതാവ് വിഡി സതീശന്‍
