National
എന്‍സിപി അജിത് പവാര്‍ പക്ഷത്തിന് വീണ്ടും തിരിച്ചടി; നാലു നേതാക്കള്‍ പാര്‍ട്ടി വിട്ടു
നേതാക്കള്‍ ശരദ് പവാറിന്റെ എന്‍സിപിയില്‍ ചേരുമെന്നാണ് റിപ്പോര്‍ട്ടുകള്‍
മുംബൈ| ലോക്സഭ തിരഞ്ഞെടുപ്പ് തോല്‍വിക്ക് പിന്നാലെ എന്‍സിപി അജിത് പവാര്‍ പക്ഷത്തിന് വീണ്ടും തിരിച്ചടി. നാലു നേതാക്കള്‍ പാര്‍ട്ടി വിട്ടു. എന്‍സിപി പിംപ്രി-ചിന്ദ്വാഡ് യൂണിറ്റ് നേതാവ് അജിത് ഗാവ്നെ, പിംപ്രി-ചിന്ദ്വാഡ് സ്റ്റുഡന്റ്സ് വിങ് ചീഫ് യാഷ് സാനെ, മുന്‍ കോര്‍പ്പറേഷന്‍ കൗണ്‍സിലര്‍മാരായ രാഹുല്‍ ഭോസാലെ, പങ്കജ് ഭലേക്കര്‍ എന്നിവരാണ് അജിത് പവാറിന് രാജിക്കത്ത് സമര്‍പ്പിച്ചത്. ഇവര്‍ ശരദ് പവാറിന്റെ എന്‍സിപിയില്‍ ചേരുമെന്നാണ് റിപ്പോര്‍ട്ടുകള്‍.
അജിത് പവാര്‍ പക്ഷത്തു നിന്നും ഭൂരിഭാഗം നേതാക്കളും ശരദ് പവാറിന്റെ എന്‍സിപിയിലേക്ക് മടങ്ങിപ്പോകാന്‍ ആലോചിക്കുന്നു എന്ന വാര്‍ത്തകള്‍ക്കിടെയാണ് നാല് നേതാക്കളുടെ രാജി. തന്റെ പാര്‍ട്ടിയെ ദുര്‍ബലപ്പെടുത്താന്‍ ആഗ്രഹിക്കുന്നവരെ സ്വീകരിക്കില്ലെന്നും, പാര്‍ട്ടിയുടെ പ്രതിച്ഛായയെ മുറിവേല്‍പ്പിക്കാത്ത നേതാക്കളെ സ്വീകരിക്കുമെന്നും ശരദ് പവാര്‍ നേരത്തെ പറഞ്ഞിരുന്നു.
Latest
മദ്യപന്‍ അമിത വേഗത്തില്‍ ഓടിച്ച കാര്‍ ഇടിച്ച് രണ്ടുപേര്‍ മരിച്ചു
യുവതിയെ പെട്രോള്‍ ഒഴിച്ച് കത്തിക്കാന്‍ ശ്രമം; ഭര്‍ത്താവ് അറസ്റ്റില്‍
കാന്തപുരം ഉസ്താദിന്റെ ബുഖാരി വ്യാഖ്യാനം പ്രകാശനം ചെയ്തു
ഒരു ആശുപത്രിക്ക് കൂടി എന്‍ ക്യു എ എസ് അംഗീകാരം
ആന്റിബയോട്ടിക് മരുന്നുകളുടെ ദുരുപയോഗം തടയുക; നീല വസ്ത്രം ധരിച്ച് ഐക്യദാര്‍ഢ്യം ഇന്ന്
മുനമ്പം: പ്രശ്‌ന പരിഹാരത്തിന് ജുഡീഷ്യല്‍ കമ്മീഷന്‍; താമസക്കാരെ കുടിയിറക്കില്ല
