Uae
റാസ് അല്‍ ഖൈമയില്‍ പൊതുഗതാഗത സംവിധാനത്തിന് പുതിയ ആപ്പ്
തത്സമയ ഷെഡ്യൂളുകള്‍, റൂട്ട് ട്രാക്കിംഗ്, സുരക്ഷിതമായ ഓണ്‍ലൈന്‍ പേയ്മെന്റ് ഓപ്ഷനുകള്‍ എന്നിവയും ആപ്പ് വാഗ്ദാനം ചെയ്യുന്നു.
റാസ് അല്‍ ഖൈമ| പൊതുഗതാഗതത്തിലേക്കുള്ള പ്രവേശനം ലളിതമാക്കാന്‍ റാസ് അല്‍ ഖൈ ട്രാന്‍സ്പോര്‍ട്ട് അതോറിറ്റി പുതിയ ആപ്പ് പുറത്തിറക്കി. സെയ്ര്‍ എന്ന ആപ്പ്, ബസുകള്‍, ടാക്‌സികള്‍, റൈഡ്-ഷെയറിംഗ്, മറൈന്‍ ട്രാന്‍സ്പോര്‍ട്ട് എന്നിങ്ങനെ വിവിധ യാത്രാ മാര്‍ഗങ്ങളില്‍ യാത്രകള്‍ പ്ലാന്‍ ചെയ്യാനും ബുക്ക് ചെയ്യാനും ഉപയോക്താക്കള്‍ക്ക് ഇത് സൗകര്യമൊരുക്കും. ആരംഭ പോയിന്റും ലക്ഷ്യസ്ഥാനവും നല്‍കുന്നതിലൂടെ, ഉപയോക്താക്കള്‍ക്ക് അവരുടെ ആവശ്യങ്ങള്‍ക്ക് അനുയോജ്യമായ യാത്രാ ഓപ്ഷനുകള്‍ ലഭിക്കും.
തത്സമയ ഷെഡ്യൂളുകള്‍, റൂട്ട് ട്രാക്കിംഗ്, സുരക്ഷിതമായ ഓണ്‍ലൈന്‍ പേയ്മെന്റ് ഓപ്ഷനുകള്‍ എന്നിവയും ആപ്പ് വാഗ്ദാനം ചെയ്യുന്നു. എല്ലാ ഗതാഗത ആവശ്യങ്ങള്‍ക്കുമുള്ള ഒരു സ്മാര്‍ട് ഗേറ്റ്വേയായി സെയ്ര്‍ പ്രവര്‍ത്തിക്കുന്നുവെന്ന് അതോറിറ്റി ഡയറക്ടര്‍ ജനറല്‍ എന്‍ജി. ഇസ്മാഈല്‍ ഹസന്‍ അല്‍ ബലൂശി പറഞ്ഞു. പൊതുഗതാഗതം, റൈഡ്-ഷെയറിംഗ്, ഇലക്ട്രിക് സ്‌കൂട്ടറുകള്‍ എന്നിവയുള്‍പ്പെടെ ഒന്നിലധികം ട്രാന്‍സിറ്റ് മോഡുകള്‍ ഒരൊറ്റ പ്ലാറ്റ്ഫോമിലേക്ക് സംയോജിപ്പിച്ചിട്ടുണ്ട്.
നിലവില്‍, എല്ലാ നഗര, ഇന്റര്‍സിറ്റി ബസ് റൂട്ടുകളും ഇതില്‍ ഉള്‍ക്കൊള്ളുന്നു. ഭാവിയില്‍ വാഹന വാടകയിലേക്ക് വ്യാപിപ്പിക്കും. വൈവിധ്യമാര്‍ന്ന ട്രാന്‍സിറ്റ് ആവശ്യങ്ങള്‍ക്കുള്ള ഒരു ബഹുമുഖ ഉപകരണമാക്കി മാറ്റുമെന്നും അദ്ദേഹം പറഞ്ഞു.
Latest
മുനമ്പം പ്രശ്നം പരിഹരിക്കുന്നതിനു പകരം വര്‍ഗീയമായി വഷളാക്കാനാണ് സര്‍ക്കാര്‍ ശ്രമിക്കുന്നത്: ചെന്നിത്തല
പാചക വാതക വില വർധിപ്പിച്ചു; സിലിണ്ടറിന് കൂട്ടിയത് 50 രൂപ
സി എം ആര്‍ എല്‍ ഹര്‍ജിയില്‍ ഡല്‍ഹി ഹൈക്കോടതി മറ്റന്നാള്‍ വാദം കേള്‍ക്കും
പെട്രോള്‍, ഡീസല്‍ വില കൂടിയേക്കും; കേന്ദ്രം എക്‌സൈസ് തീരുവ രണ്ട് രൂപ കൂട്ടി
ഭാര്യയെ ജോലി ചെയ്യുന്ന വീട്ടിലെത്തി കുത്തിപ്പരുക്കേല്‍പ്പിച്ചു
വഖഫ് ഭേദഗതി നിയമം സ്റ്റേ ചെയ്യണം; ഓള്‍ ഇന്ത്യ മുസ്ലിം വ്യക്തിനിയമ ബോര്‍ഡ് സുപ്രിം കോടതിയില്‍
