ആറ് ജില്ലകളില്‍ പുതിയ ഡിസിസി പ്രസിഡന്റുമാര്‍ ഇന്ന് ചുമതലയേല്‍ക്കും

തിരുവനന്തപുരം: കോണ്‍ഗ്രസിലെ ആഭ്യന്തര കലഹങ്ങള്‍ക്കിടെ സംസ്ഥാനത്ത് ആറ് ജില്ലകളില്‍ പുതിയ ഡിസിസി പ്രസിഡന്റുമാര്‍ ഇന്ന് ചുമതലയേല്‍ക്കും. കൊല്ലം, പത്തനംതിട്ട, കോട്ടയം, ഇടുക്കി, പാലക്കാട്, കണ്ണൂര്‍ ജില്ലകളിലാണ് പുതിയ അധ്യക്ഷന്മാര്‍ ഇന്ന് ചുമതല ഏല്‍ക്കുന്നത്.

കൊല്ലത്തെ പി രാജേന്ദ്രപ്രസാദും പത്തനംതിട്ടയില്‍ സതീഷ് കൊച്ചുപറമ്പിലുമാണ് ഡിസിസി പ്രസിഡന്റുമാരായി ചുമതലയേല്‍ക്കുക. ഇടുക്കിയില്‍ സി പി മാത്യു അധ്യക്ഷ പദവി ഏറ്റെടുക്കും. പാലക്കാട് എ തങ്കപ്പന്‍ ഡിസിസി അധ്യക്ഷനായി സ്ഥാനമേല്‍ക്കും. കോട്ടയം ഡിസിസി പ്രസിഡന്റായി നാട്ടകം സുരേഷ് ഇന്ന് ചുമതലയേല്‍ക്കും.