മലപ്പുറത്തും കണ്ണൂരും പി എഫ് ഐ പ്രവര്‍ത്തകരുടെ വീടുകളില്‍ എന്‍ ഐ എ റെയ്ഡ്

മലപ്പുറം/കണ്ണൂര്‍ | മലപ്പുറത്തും കണ്ണൂരിലും എന്‍ ഐ എയുടെ മിന്നല്‍ പരിശോധന. പോപുലര്‍ ഫ്രണ്ട് പ്രവര്‍ത്തകരുടെ വീടുകളിലാണ് പരിശോധന. മലപ്പുറത്ത് നാലിടങ്ങളിലും കണ്ണൂരില്‍ മൂന്നിടങ്ങളിലുമാണ് റെയ്ഡ് നടത്തിയത്.

മലപ്പുറത്ത് വേങ്ങര പറമ്പില്‍പ്പടി തയ്യില്‍ ഹംസ, തിരൂര്‍ ആലത്തിയൂര്‍ കളത്തിപ്പറമ്പില്‍ യാഹുട്ടി, താനൂര്‍ നിറമരുതൂര്‍ ചോലയില്‍ ഹനീഫ, രാങ്ങാട്ടൂര്‍ പടിക്കാപ്പറമ്പില്‍ ജാഫര്‍ എന്നിവരുടെ വീടുകളിലാണ് പരിശോധന.

കോടപറമ്പ്, കണ്ണൂര്‍ സിറ്റി, പള്ളിപ്രം എന്നിവിടങ്ങളിലാണ് കണ്ണൂരിലെ പരിശോധന നടന്നത്.