NIMISHA PRIYA
യമനില്‍ വധശിക്ഷകാത്തുകഴിയുന്ന നിമിഷ പ്രിയയുടെ അപ്പീല്‍ തള്ളി
ശിക്ഷയില്‍ ഇളവു നല്‍കണമെങ്കില്‍ ഇനി യെമന്‍ പ്രസിഡന്റിനു മാത്രമേ കഴിയൂ
ന്യൂഡല്‍ഹി | യമനില്‍ വധശിക്ഷക്കു വിധിക്കപ്പെട്ട മലയാളി യുവതി നിമിഷപ്രിയ സമര്‍പ്പിച്ച അപ്പീല്‍ യെമന്‍ സുപ്രീം കോടതി തള്ളിയെന്ന് കേന്ദ്രസര്‍ക്കാര്‍ ഡല്‍ഹി ഹൈക്കോടതിയി അറിയിച്ചു.
യമനിലേക്ക് പോകാന്‍ കേന്ദ്രസര്‍ക്കാര്‍ സഹായം തേടി നിമിഷയുടെ അമ്മ നല്‍കുന്ന അപേക്ഷയില്‍ ഒരാഴ്ച്ചയ്ക്കം തീരുമാനമെടുക്കാന്‍ ഹൈക്കോടതി നിര്‍ദ്ദേശം നല്‍കി. നിമിഷ പ്രിയയുടെ ശിക്ഷയില്‍ ഇളവു നല്‍കണമെങ്കില്‍ ഇനി യെമന്‍ പ്രസിഡന്റിനു മാത്രമേ കഴിയൂ എന്നാണ് കേന്ദ്രസര്‍ക്കാര്‍ ഡല്‍ഹി ഹൈക്കോടതിയില്‍ അറിയിച്ചത്.
യെമനിലേക്ക് പോകാന്‍ അനുമതി തേടി നിമിഷപ്രിയയുടെ അമ്മ പ്രേമകുമാരി നല്കിയ ഹര്‍ജി പരിഗണിക്കുമ്പോഴാണ് കേന്ദ്രസര്‍ക്കാര്‍ വധശിക്ഷയ്‌ക്കെതിരെ നിമിഷപ്രിയ നല്കിയ ഹര്‍ജി ഈ മാസം 13ന് യെമന്‍ സുപ്രീംകോടതി തള്ളിയെന്ന വിവരം വിദേശകാര്യമന്ത്രാലയം അറിയിച്ചത്.
യമന്‍ പൗരന്‍ തലാല്‍ അബ്ദുമഹ്ദിയെ കൊലപ്പെടുത്തിയ കേസിലാണ് പാലക്കാട് കൊല്ലങ്കോട് സ്വദേശിനി നിമിഷപ്രിയ വധശിക്ഷ കാത്ത് യെമന്‍ ജയിലില്‍ കഴിയുന്നത്. 2017 ലായിരുന്നു കേസിനാസ്പദമായ സംഭവം. യെമന്‍ തലസ്ഥാനമായ സനായിലെ ജയിലിലാണു നിമിഷപ്രിയ.
Latest
ഉപ്പ പറന്നെത്തി; മോളെ കഥ കേൾക്കാൻ
മാപ്പിളപ്പാട്ട് വേദി കീഴടക്കി ഫസലിന്റെ ഇശലുകൾ
മികവാർന്ന പ്രകടനവുമായി മഅ്ദിൻ വിദ്യാർഥികൾ
വാഹനങ്ങള് വര്ധിച്ചു; ഗതാഗതക്കുരുക്കില് സമയനഷ്ടം ഏറെ
കശ്മീരിൽ നിന്ന് അനന്തപുരിയിലേക്ക്
ഹരം പകർന്ന് കോൽക്കളിയും ദഫും
