Kerala
നിപ; 16 പേരുടെ പരിശോധന ഫലം കൂടി നെഗറ്റീവ്
ഇതുവരെ പരിശോധനക്കയച്ച 58 പേരുടെ സാമ്പിളുകളാണ് നെഗറ്റീവായത്
![](https://assets.sirajlive.com/2023/09/nipah-2-897x538.jpg)
തിരുവനന്തപുരം \ നിപ രോഗ ബാധ സംശയിച്ച് പരിശോധനക്കയച്ച 16 പേരുടെ സ്രവ പരിശോധനാ ഫലങ്ങളും നെഗറ്റീവ് ആണെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. എല്ലാവരും ലോ റിസ്ക് വിഭാഗത്തില്പ്പെട്ടവരാണ്. ഇതുവരെ പരിശോധനക്കയച്ച 58 പേരുടെ സാമ്പിളുകളാണ് നെഗറ്റീവായത്. അതേസമയം, രോഗ ലക്ഷണങ്ങളോടെ ഇന്ന് മൂന്ന് പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്.
ആകെ 21 പേരാണ് ഇപ്പോള് മഞ്ചേരി, കോഴിക്കോട് മെഡിക്കല് കോളജുകളിലായി ചികിത്സയിലുള്ളത്. ഇവരില് 17 പേര് സമ്പര്ക്ക പട്ടികയില് ഉള്പ്പെട്ടവരാണ്.ഇന്ന് പുതുതായി 12 പേരെയാണ് സെക്കന്ററി സമ്പര്ക്ക പട്ടികയില് ഉള്പ്പെടുത്തിയത് ഇതോടെ ആകെ സമ്പര്ക്ക പട്ടികയിലുള്ളവരുടെ എണ്ണം 472 ആയി. 220 പേരാണ് ഹൈറിസ്ക് വിഭാഗത്തിലുള്ളത്. അതിനിടെ, മലപ്പുറം കളക്ടറേറ്റ് കോണ്ഫ്രന്സ് ഹാളില് വൈകീട്ട് ചേര്ന്ന നിപ അവലോകന യോഗത്തില് ആരോഗ്യ വകുപ്പ് മന്ത്രി ഓണ്ലൈനായി പങ്കെടുത്തു.