Kerala
നിപ്പാ: ജനങ്ങള്‍ ജാഗ്രത പാലിക്കണമെന്ന് മുഖ്യമന്ത്രി
നിപ്പാ രോഗബാധയെ പ്രതിരോധിക്കുകയും ഫലപ്രദമായി മറികടക്കുകയും ചെയ്തവരാണ് നമ്മള്‍. ഭയപ്പെടുകയല്ല, മറിച്ച് ജാഗ്രതയോടെ ഈ സാഹചര്യത്തെ നേരിടുകയാണ് വേണ്ടത്.
തിരുവനന്തപുരം | സംസ്ഥാനത്ത് നിപ്പാ വൈറസ് ബാധ സ്ഥിരീകരിച്ച് മുഖ്യമന്ത്രി പിണറായി വിജയന്‍. കോഴിക്കോട് ജില്ലയിലെ രണ്ടു മരണങ്ങള്‍ നിപ്പാ വൈറസ് ബാധ മൂലമാണെന്ന് പൂനെയിലെ വൈറോളജി ലാബില്‍ നിന്നുള്ള പരിശോധനാ ഫലത്തില്‍ വ്യക്തമാവുകയായിരുന്നു. ഈ സാഹചര്യത്തില്‍ ജനങ്ങള്‍ ജാഗ്രത പാലിക്കണമെന്ന് മുഖ്യമന്ത്രി അഭ്യര്‍ഥിച്ചു.
രണ്ടു പേര്‍ രോഗബാധ കാരണം മരണമടഞ്ഞു. നാലു പേരുടെ സ്രവം പരിശോധനയ്ക്കായി അയച്ചതില്‍ രണ്ടുപേര്‍ക്ക് നിപ്പാ പോസിറ്റീവും രണ്ടുപേര്‍ക്ക് നിപ്പാ നെഗറ്റീവുമാണ്.
നിപ്പാ രോഗബാധയെ പ്രതിരോധിക്കുകയും ഫലപ്രദമായി മറികടക്കുകയും ചെയ്തവരാണ് നമ്മളെന്ന് മുഖ്യമന്ത്രി ഫേസ് ബുക്ക് കുറിപ്പില്‍ പറഞ്ഞു. ഭയപ്പെടുകയല്ല, മറിച്ച് ജാഗ്രതയോടെ ഈ സാഹചര്യത്തെ നേരിടുകയാണ് വേണ്ടത്.
ആരോഗ്യ വകുപ്പിന്റെയും പോലീസിന്റെയും നിര്‍ദേശങ്ങള്‍ കര്‍ശനമായി പാലിക്കാനും നിയന്ത്രണങ്ങളോട് പൂര്‍ണമായി സഹകരിക്കാനും ഏവരും തയ്യാറാകണമെന്നും മുഖ്യമന്ത്രി അഭ്യര്‍ഥിച്ചു.
Latest
ചേലക്കരയെ വീണ്ടും ചുവപ്പിച്ചു; ചേലോടെ പ്രദീപ്
ടിപ്പർ ലോറി സൈക്കിളിൽ ഇടിച്ച് മദ്റസ വിദ്യാർഥി മരിച്ചു
ഇടതു കോട്ട കാത്ത് യു ആര്‍ പ്രദീപ്
മഹാരാഷ്ട്രയില്‍ തുടര്‍ഭരണം ഉറപ്പിച്ച് ബിജെപി മുന്നണി മഹായുതി; ഝാര്‍ഖണ്ഡില്‍ ഇന്ത്യ മുന്നണിക്ക് നേട്ടം
രാഹുലിന് റെക്കോര്‍ഡ് ഭൂരിപക്ഷം; ബി ജെ പി കോട്ടകള്‍ തകര്‍ന്നു, മൂന്നാം സ്ഥാനത്തേക്ക് തള്ളപ്പെട്ട് സരിന്‍
ബംഗാള്‍ ഉപതെരഞ്ഞെടുപ്പ്: ആറ് സീറ്റുകളിലും തൃണമൂല്‍ കോണ്‍ഗ്രസിന് ലീഡ്
