motion of no confidence
അവിശ്വാസ പ്രമേയത്തിൽ ചർച്ച തുടങ്ങി: മണിപ്പൂരില്‍ മോദിയുടെ മൗനം ചോദ്യം ചെയ്ത് പ്രതിപക്ഷം
പ്രധാനമന്ത്രിക്ക് നേരെ ചോദ്യശരങ്ങളാണ് അദ്ദേഹം ഉയര്‍ത്തിയത്.
ന്യൂഡല്‍ഹി | മണിപ്പൂരിലെ കലാപം സംബന്ധിച്ച് പ്രതിപക്ഷം അവതരിപ്പിക്കുന്ന അവിശ്വാസ പ്രമേയത്തിൽ ലോക്സഭയില് ചര്‍ച്ച പുരോഗമിക്കുന്നു. കോണ്‍ഗ്രസ് എം പി ഗൗരവ് ഗൊഗോയ് ആണ് ചര്‍ച്ചക്ക് തുടക്കം കുറിച്ചത്. പ്രധാനമന്ത്രി നരേന്ദ്ര മോദി മണിപ്പൂര്‍ സന്ദര്‍ശിക്കാത്തതിനെയും മൗനം പാലിക്കുന്നതിനെയും ഗൊഗോയ് ചോദ്യം ചെയ്തു.
പ്രധാനമന്ത്രിക്ക് നേരെ ചോദ്യശരങ്ങളാണ് അദ്ദേഹം ഉയര്‍ത്തിയത്. അംഗങ്ങളുടെ എണ്ണമല്ല വിഷയമെന്നും മണിപ്പൂരിന് നീതി കിട്ടുകയാണ് വേണ്ടതെന്നും ഗൊഗോയ് പറഞ്ഞു. മണിപ്പൂരിന് വേണ്ടിയാണ് ‘ഇന്ത്യ’ ഈ അവിശ്വാസ പ്രമേയം കൊണ്ടുവരുന്നത്. മണിപ്പൂര്‍ നീതി തേടുന്നുവെന്നും അദ്ദേഹം പറഞ്ഞു.
ഗൊഗോയിക്ക് ശേഷം പ്രതിപക്ഷ നിരയിൽ നിന്ന് രാഹുല്‍ ഗാന്ധിയാണ് സംസാരിക്കുക. അപകീര്‍ത്തി കേസിലെ അയോഗ്യത നീങ്ങി ഇന്നലെയാണ് രാഹുല്‍ വീണ്ടും പാര്‍ലിമെന്റിലെത്തിയത്. രാഹുലിന്റെ ഗംഭീര തിരിച്ചുവരവ് കൂടിയായിരിക്കും ഇത്. അഞ്ച് കേന്ദ്ര മന്ത്രിമാരാണ് അവിശ്വാസ പ്രമേയ ചർച്ചയിൽ സംസാരിക്കുക. അമിത് ഷാ, നിര്‍മല സീതാരാമന്‍, സ്മൃതി ഇറാനി, ജ്യോതിരാദിത്യ സിന്ധ്യ, കിരണ്‍ റിജിജു എന്നീ മന്ത്രിമാരാണ് സംസാരിക്കുക. ബി ജെ പിയുടെ മറ്റ് അഞ്ച് എം പിമാരും ചര്‍ച്ചയില്‍ പങ്കെടുത്ത് സംസാരിക്കും. മോദി സര്‍ക്കാറിനെതിരായ രണ്ടാം അവിശ്വാസ പ്രമേയമാണ് ലോക്‌സഭയിലെത്തുന്നത്.
മൂന്ന് ദിവസം വിവിധ കക്ഷി പ്രതിനിധികള്‍ സംസാരിച്ച ശേഷം വ്യാഴാഴ്ച പ്രധാനമന്ത്രി നരേന്ദ്ര മോദി മറുപടി നല്‍കും. മണിപ്പൂര്‍ വിഷയത്തില്‍ മൗനം തുടരുന്ന പ്രധാനമന്ത്രിയെ ലോക്സഭയില് മറുപടി പറയിപ്പിക്കുക എന്നതാണ് അവിശ്വാസ പ്രമേയത്തിലൂടെ പ്രതിപക്ഷം ലക്ഷ്യമിടുന്നത്. മണിപ്പൂര്‍ വിഷയത്തില്‍ ചര്‍ച്ചയാകാമെന്നും ആഭ്യന്തര മന്ത്രി അമിത് ഷാ മറുപടി നല്‍കുമെന്നും കേന്ദ്ര സര്‍ക്കാര്‍ അറിയിച്ചതോടെയാണ് പ്രതിപക്ഷം അവിശ്വാസ പ്രമേയം കൊണ്ടുവരാന്‍ നിര്‍ബന്ധിതരായത്. കഴിഞ്ഞ മാസം 26ന് കോണ്‍ഗ്രസ്സ് അംഗം ഗൗരവ് ഗൊഗോയിയാണ് അവിശ്വാസ പ്രമേയത്തിന് നോട്ടീസ് നല്‍കിയത്. വിവിധ പ്രതിപക്ഷ പാര്‍ട്ടികളില്‍ നിന്നുള്ള അമ്പത് പേര്‍ പിന്തുണച്ചു. ഇതോടെ സ്പീക്കര്‍ ഓം ബിര്‍ള പ്രമേയാവതരണത്തിന് അനുമതി നല്‍കി.
ഒഴിവുള്ള അഞ്ച് സീറ്റുകള്‍ മാറ്റിനിര്‍ത്തിയാല്‍ ലോക്സഭാംഗങ്ങളുടെ ആകെ എണ്ണം 538 ആണ്. കേവല ഭൂരിപക്ഷത്തിന് വേണ്ട സഖ്യ 270 ആണ്. എന്‍ ഡി എക്ക് 334 പേരുടെ പിന്തുണയുണ്ട്. ഇന്ത്യ സംഖ്യ 147, മറ്റുള്ളവര്‍ 57 എന്നാണ് ഭരണ മുന്നണിക്ക് പുറത്തെ അംഗബലം എന്നതിനാല്‍ അവിശ്വാസ വോട്ടെടുപ്പില്‍ ബി ജെ പിക്ക് സ്വന്തം നിലയില്‍ ജയിക്കാനാകും.
Latest
വയനാട് ദുരന്തം: കേന്ദ്ര അവഗണനക്കെതിരെ ചൊവ്വാഴ്ച ജില്ലയില്‍ യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
വയനാട് കേന്ദ്രസഹായം: കെ വി തോമസ് പാര്‍ട്ടിക്കൊപ്പം തലച്ചോറും മാറിയോയെന്ന് വി മുരളീധരന്‍
